តម្លៃកើនជានិរន្ត៍
អចលនទ្រព្យជាវត្ថុដែលមានតម្លៃកើនឡើង បើទោះជាយើងកែច្នៃ
ឬមិនកែច្នៃក៏ដោយ!
អ្នកមានសង្កេតទេថា?
តម្លៃដីមានតែឡើងថ្លៃ មិនដែលចុះថ្លៃនោះទេ!
«តែអ្នកត្រូវទិញតម្លៃទីផ្សារ មិនមែនតម្លៃពពុះសាប៊ូ»
ព្រោះប្រជាជននៅលើលោកនេះកើនឡើងជារឿយៗ
ខណៈដែលដីមានចំនួនកំណត់ ដែលនាំអោយតម្លៃដីកើនឡើងតាមហ្នឹងដែរ។
យើងហៅតម្លៃដែលកើនឡើងនេះថា «Passive Appreciation » ។
ដោយសារតម្លៃដែលឡើងតាមពេលវេលា
ធ្វើអោយការវិនិយោគក្នុងវិស័យអចលនទ្រព្យស្ថិតក្នុងចំណោមការវិនិយោគមួយដែលមានលក្ខណពិសេសខុសប្លែកពី
ការវិនិយោគផ្សេងៗ។
ព្រោះការវិនិយោគអចលនទ្រព្យដើម្បីលំហូរសាច់ប្រាក់(ជួល) ដូចជាការិយាល័យ(រួម)
បន្ទប់ជួល ផ្ទះអាជីវកម្ម តូបជួល ឃ្លាំង ផ្ទះសំណាក់ សណ្ឋាគារ។ល។ មានឱកាសទទួលបានអត្ថប្រយោជន៍ពីរយ៉ាង៖
ទីមួយគឺប្រាក់ឈ្នួល និងទីពីរគឺ តម្លៃឡើងតាមហាងឆេងដោយសារដីកើនតម្លៃជាងមុនទៅតាមពេលវេលានោះឯង។
ដោយសារអចលនទ្រព្យឡើងថ្លៃតាមពេលវេលា ធ្វើឲ្យអោយមានការវិនិយោគបែបកេងចំណេញ
សម្រាប់អ្នកវិនិយោគដែលត្រូវការផលចំណេញក្នុងរយៈពេលខ្លី។ ចំពោះទស្សនៈផ្ទាល់ខ្លួនរបស់ខ្ញុំយល់ឃើញថាការធ្វើរបៀបនេះជាការវិនិយោគដែលមានហានិភ័យខ្ពស់។
អ្នកត្រូវតែមានការយល់ដឹងអោយច្បាស់ថាតើកត្តាអ្វីខ្លះដែលធ្វើអោយអចលនទ្រព្យដែលអ្នកវិនិយោគនឹងឡើងថ្លៃ? ថាហេតុអ្វីវាឡើងថ្លៃដោយ
សារអ្វី?
និងរយៈពេលប៉ុន្មាន? ដែលទាំងអស់នេះសុទ្ធតែមានវិធីគណនា និងវាយតម្លៃបានដោយចំណេះដឹង
និងបទពិសោធន៍។
ខ្ញុំសូមនែនាំអោយអ្នកផ្តោតលើការវិនិយោគមួយបែបផ្សេងទៀតដែល ផ្តល់ផលតបស្នងគួរអោយចាប់អារម្មណ៍គឺ
ការវិនិយោគដើម្បីបង្កើតលំហូរសាច់ប្រាក់
(Cash Flow) ដែលជាគោលគំនិតបង្កើតចំណូលជានិរន្ត៍រយៈពេលវែង។
ដែលហៅថា៖
មានយឺត តែច្បាស់ជាមាន «Slow but sure to
wealth »
មនុស្សជាច្រើនគិតថាពេលវេលា ៨ ឆ្នាំ
ទៅ១០ឆ្នាំ វាយូរពេក តែខ្ញុំចង់ឱ្យប្រៀបធៀបដើម្បីអោយមើលឃើញថា ការបានដើមទុនវិញពីការវិនយោគ
ត្រូវប្រើពេលវេលារងចាំប្រហែលការមើលបាល់ទាត់ពិភពលោកពីរ រដូវកាលតែប៉ុណ្ណោះ(ម្តង៤ឆ្នាំ)
ឬបើយឺតជាងនេះក៏ថែមបាល់ទាត់អុឺរ៉ុបមួយរដូវកាលទៀតចុះ(៤ឆ្នាំដូចគ្នាតែឆ្លាស់គ្នាម្តង២ឆ្នាំ)
។
|
បើអ្នករឹតតែឆាប់ចាប់ផ្តើមលឿនប៉ុណ្ណា អ្នកនឹងមានពេលវេលាវែងក្នុងការវិនិយោគបានរឹតតែយូប៉ុណ្ណោះ
បើចាប់ផ្តើមវិនិយោគតាំងពីនៅរៀន ឬពេលរៀនចប់ថ្មីៗ មានន័យថាត្រឹមអាយុ៣០ឆ្នាំស្តើង
អ្នកក៏មានសក្តានុពលហិរញ្ញវត្ថុ ដើម្បីវិនោយោគលើអចលនទ្រព្យរួចហើយ។ មានកម្លាំងកាយ
និងកម្លាំងធនធានគ្រប់គ្រាន់ដើម្បីពង្រីកការវិនិយោគបន្ថែមនៅពេលអនាគត់យ៉ាងពេញលេញ
ហើយឆាប់ទទួលបានសេរីភាពហិរញ្ញវត្ថុទាំងវ័យក្មេង។ |
រឿងចាំបាច់ដែលអ្នកត្រូវធ្វើគឺរក្សាសុខភាពអោយបានល្អព្រោះអ្នកអាយុវែងប៉ុណ្ណាប្រាក់កម្រៃរឹតតែច្រើនប៉ុណ្ណឹងដែរ
វាចូលមកជារឿយៗ !
ខ្ញុំជឿជាក់ថាការវិនិយោគដែលល្អប្រសើរគឺ
ការវិនិយោគបែបអចិន្ត្រៃយ៍(បង្កើតលំហូរសាច់ប្រាក់) មិនមែនការវិនិយោគដើម្បីកេងយកចំណេញរយៈពេលខ្លីនោះទេ!
លោកវ័រេន បសហ្វិត «មហាសេដ្ឋីលំដាប់ពិភពលោក» មានច្បាប់វិនិយោគពីរយ៉ាងគឺ៖
១ រក្សាដើមទុនកុំអោយខាត
២ កុំភ្លេចច្បាប់ទី១
គឺមានន័យថាពេលណាអ្នកវិនិយោគគឺ ត្រូវប្រាកដចិត្តថាមិនខាតបង់ប្រាក់ដែលបានវិនិយោគ
អ្នកគ្រាន់តែរក្សាដើមទុនវិនិយោគអោយបានយូរ ដោយគ្រាន់តែការពារ
ហានិភ័យកុំអោយកើតមានឡើង
ហើយរងចាំរហូតដល់ទ្រព្យដែលយើងបានវិនិយោគផ្តល់ផលតបស្នងឱ្យយើងវិញ។
កុំគិតតែប្រាក់ចំណេញតែមួយមុខ មនុស្សភាគច្រើនផ្តោតតែលើប្រាក់ចំណេញច្រើនក្នុងរយៈពេលខ្លី
ដែលធ្វើអោយពួកគេត្រូវខាតបង់ប្រាក់កាក់។ តាមពិតគឺ បើអ្នករឹតតែតក់ក្រហល់ចង់បានប្រាក់ចំណេញច្រើន
និងលឿនប៉ុណ្ណា ផលតបស្នងរឹតតែតិច ឬពេលខ្លះខាតថែមទៀតផងដែរ។
|
សឹមៗកុំបំបោលក្រែងមិនដល់ដូចប្រាថ្នា!
«ពាក្យខ្មែរ» Safety is First សុវត្ថិភាពជាចំបង!
លោកជា បូណាន |
អ្នកវិនិយោគដែលពូកែមិនព្រមទុកលុយនៅស្ងៀមៗ
ដាច់ខាត វាជាវិធីសាស្ត្រដែលគេហៅថាអត្រា
ចលនារបស់លុយ អ្នកវិនិយោគអាជីព
ពិតប្រាកដ និងឈានទៅមុខជានិច្ច
ជាម្ចាស់អចលនទ្រព្យថ្មី ហើយ
ជាម្ចាស់អចលនទ្រព្យថ្មី
បន្តទៀតជារឿយៗ
លោក រ៉ូបើតគីយូសាគី អ្នកវិនិយោគអចលនទ្រព្យ
និងអ្នកនិពន្ធសៀវភៅ ឪពុកអ្នកមាន
ឪពុកអ្នកក្រ
Rich Dad Poor Dad
តម្លៃកើនជានិរន្ត៍