រឿងដែលអ្នកមិនគួរធ្វើបើចង់ក្លាយជាមនុស្សដែលមានឥទ្ធិពល ក្នុងបណ្តាញសង្គមប្រកបដោយនិរន្តរភាព និងមានប្រយោជន៍ដល់សង្គម។

រឿងដែលអ្នកមិនគួរធ្វើបើចង់ក្លាយជាមនុស្សដែលមានឥទ្ធិពល ក្នុងបណ្តាញសង្គមប្រកបដោយនិរន្តរភាព និងមានប្រយោជន៍ដល់សង្គម និងខ្លួនឯង។

តើអ្នកមានជំនាញអ្វីអោយពិតប្រាកដដើម្បីចែករំលែក កុំចេះគ្រប់រឿងប្រយ័ត្នយូរៗទៅមិនច្បាស់ខ្លួនឯង
យើងអាចយករឿងពិតមកធ្វើឧទាហរណ៍ ប៉ុន្តែសូមកុំយកឧទាហរណ៍មកធ្វើរឿងពិត!
នៅការចែករំលែកអ្នកមិនគួរប្រើឧទាហរណ៍កាត់តនោះទេ។
នៅពេលណាអ្នកមិនទាន់មានលទ្ធភាពពន្យល់អោយអ្នកដទៃយល់នូវប្រធានបទអ្វីមួយវាមានមូលហេតុពីរ៖ ទីមួយគេអាចស្តាប់អ្នកមិនយល់ ឬការយល់ដឹងរបស់អ្នកលើប្រធានបទនោះនៅមានកម្រិត។ ដូច្នេះអ្នកគួរណែនាំគេអោយទៅរកអ្នកជំនាញលើប្រធានបទនោះ ហើយបើចាំបាច់អ្នកក៏គួរទៅដែរ បើមិនដូច្នេះទេ អ្នកមិនត្រឹមតែធ្វើបាបខ្លួនឯងនោះទេ ថែមទាំងធ្វើបាបគេទៀតផង។
ជាអ្នកផ្សព្វផ្សាយប្រធានបទ ត្រូវព្យាយាមណែនាំប្រធានបទល្អៗ និងណែនាំអោយសាធារណៈជនស្គាល់អ្នកជំនាញលើប្រធានបទនោះ កុំចូលតួខុសជំនាញ មិនមែនជារឿងល្អទេ។
ពេលដែលអ្នកទើបបានរៀនអ្វីថ្មីៗត្រូវចំណាយពេលបន្ថែម ហើយវារិតតែល្អបើអ្នកបានអនុវត្ត ឬពិសោធន៍ខ្លួនឯងសិន កុំទាន់អាលចែករំលែក។
កុំព្យាយាមប្រាប់អ្នកដទៃអោយធ្វើទឹកកន្លះកែវ ប៉ុន្តែចូរដាស់តឿនខ្លួនឯង។
បង្រៀនដឹងបង្រៀន វិនិយោគដឹងវិនិយោគ ផ្សព្វផ្សាយដឹងផ្សព្វផ្សាយ ចែកអោយដាច់ ប្រាប់គេអោយច្បាស់ កុំបូកលូក។ ការចែករំលែកតាមបណ្តាញសង្គមវាធ្វើអោយគេស្គាល់យើងច្រើនហើយដឹងពីសមត្ថភាពរបស់យើងបើយើងពិតជាមានសមត្ថភាពមែន ហើយវាក៏អាចអោយយើងយកចំណូលបានខ្លះពីការបង្រៀន និងលក់ស្នាដៃរបស់យើង។ ដូច្នេះមិនគួរខ្មាស់អៀននោះទេព្រោះវាជាអាជីបសុចរិតទៀងត្រង់ មិនបាច់ព្យាយាមបិទបាំងដោយហេតុផលផ្សេងៗនោះទេ អោយតែមានប្រយោជន៍ដល់សាធារណៈជនគេគាំទ្រហើយ។ #អត់បានឆ្លងកាត់គរុកុសល្យផងគេហៅគ្រូៗជាកិត្តិយសណាស់ហើយ កុំធ្វើរឿងមិនគប្បីនាំអោយបាត់បង់តម្លៃដល់គ្រូគេដទៃ។