ចិត្តវិទ្យាហិរញ្ញវត្ថុ ការរកទ្រព្យ និងការរក្សាទ្រព្យ
ការរកទ្រព្យ
និងការរក្សាទ្រព្យ
ការវិនិយោគដែលល្អ មិនចាំបាច់ទាល់តែជាការសម្រេចចិត្តដែលល្អឥតខ្នោះទេ ប៉ុន្តែវាជាការមិនបង្កើតកំហុសជាបន្តបន្ទាប់!
មានវិធីដើម្បីទទួលបានទ្រព្យសម្បត្តិរាប់លានវិធី ហើយមានសៀវភៅបង្រៀនជាច្រើន
ប៉ុន្តែមានវិធីតែមួយគត់ដើម្បីធ្វើឱ្យទ្រព្យសម្បត្តិស្ថិតស្ថេរ នោះគឺការរួមបញ្ចូលគ្នារវាងភាពសន្សំសំចៃ
និងការប្រយ័ត្នប្រយែង។
ហើយនោះគឺប្រធានបទដែលយើងមិនទាន់បាននិយាយគ្នាច្រើន!
តោះយើងចាប់ផ្តើមជាមួយនឹងរឿងខ្លីៗរបស់វិនិយោគិនពីរនាក់ ពួកគេទាំងពីរមិនធ្លាបប់ស្គាល់គ្នាទេ ប៉ុន្តែវិធីដែលពួកគេជួបគ្នាជាវិធីដ៏គួរឱ្យចាប់អារម្មណ៍អស់រយៈពេលជិតមួយសតវត្សរ៍មកហើយ។
ជែម លីវីរីម័រ គឺជាវិនិយោគិនភាគហ៊ុនដ៏អស្ចារ្យបំផុតនៅក្នុងយុគសម័យរបស់គាត់ ជែម កើតនៅឆ្នាំ ១៨៧៧
គាត់បានក្លាយជាអ្នកជួញដូរភាគហ៊ុនអាជីព មុនពេលមនុស្សភាគច្រើនដឹងថាគាត់អាចធ្វើបានដូច្នេះ។
នៅអាយុ ៣០ ឆ្នាំ គាត់មានទ្រព្យសម្បត្តិនៅពេលកែសំរួលតាមអត្រាអតិផរណាស្មើនឹង១០០ លានដុល្លារ។
នៅឆ្នាំ ១៩២០ គាត់គឺជាវិនិយោគិនដ៏ល្បីល្បាញបំផុតម្នាក់នៃពិភព
លោក ផ្សារហ៊ុនបានដួលរលំនៅឆ្នាំនោះ ហើយបណ្តាលឱ្យមានវិប្តិសេដ្ឋ
កិច្ចដ៏អាក្រក់បំផុត
បានធ្វើភាពស្តុកស្តម្ភមរបស់គាត់ត្រូវបានចារក្នុងប្រវត្តិសាស្ត្ររបស់ពិភពលោក។
តម្លៃនៃផ្សារហ៊ុនច្រើនជាងបីភាគបួនត្រូវបានរលាយក្នុងរយៈពេលមួយសប្តាហ៍ នៃខែតុលា ឆ្នាំ ១៩២៩ ដែលថ្ងៃទាំងនោះក្រោយមកត្រូវបានគេដាក់ឈ្មោះថា ថ្ងៃច័ន្ទអប្រិយ៍ ថ្ងៃអង្គារអប្រិយ៍ និងថ្ងៃព្រហស្បតិ៍អប្រិយ៍
Dorothy ភរិយារបស់ Livermore ភ័យស្ទើរតែឆ្កួតនៅពេលដែលប្តីរបស់នាងបានត្រលប់មកផ្ទះវិញនៅថ្ងៃទី
២៩ ខែតុលា។ មានព័ត៌មានរាយការណ៍ថាវិនិយោគិននៅ Wallstreet បានធ្វើអត្តឃាតសាយភាយទូទាំងទីក្រុងញូវយ៉ក នាង និងកូនៗស្វាគមន៍ Jame នៅមាត់ទ្វារទាំងទឹកភ្នែក ខណៈពេលដែលម្តាយរបស់នាង
រន្ធុតយ៉ាងខ្លាំងរហូតដល់លាក់ខ្លួនស្រែកយំក្នុងបន្ទប់មួយផ្សេងទៀត។
បើយោងតាមលោក Tom Robiton អ្នកសរសេរជីវប្រវត្តិ Jame ឈរស្រឡាំងកាំងជាច្រើននាទី មុនពេលដឹងថាមានអ្វីកើតឡើង
បន្ទាប់ពីនោះគាត់បាននិយាយរឿងឱ្យក្រុមគ្រួសារស្តាប់ ដោយទេព
កោសល្យ និងសំណាងហាក់ដូចអព្ភូតហេតុ គាត់បានលក់នៅក្នុងផ្សារ
ហ៊ុន[1]
គាត់ភ្នាល់ថាភាគហ៊ុននឹងធ្លាក់ចុះ។
បងមានន័យថាយើងមិនក្ស័យធនទេមែនទេ? Dorothy បានសួរ
"អត់ទេ អូនសម្លាញ់ បងទើបតែមានថ្ងៃជួញដូរដ៏ល្អបំផុតមួយ យើងមានមហាសាល ហើយអាចធ្វើអ្វីក៏បានតាមដែលប្រាថ្នា" Jame ឆ្លើយតប។
Dorothy បានរត់ទៅរកម្តាយរបស់នាងហើយបានប្រាប់គាត់ឱ្យស្ងាត់ស្ងៀម។
Jame រកលុយបានជាងបីពាន់លានដុល្លារក្នុងមួយថ្ងៃ ក្នុងអំឡុងខែដ៏អាក្រក់បំផុតក្នុងប្រវត្តិសាស្ត្រផ្សារហ៊ុន គាត់បានក្លាយជាបុរសម្នាក់ដែលមានជាងគេបំផុតនៅលើពិភពលោក។
ខណៈពេលក្រុមគ្រួសាររបស់ Jame កំពុងអបអរជោគជ័យលើសពីអ្វីដែលគិតដល់ បុរសម្នាក់ទៀតកុំពុងដើរតាមផ្លូវនៃទីក្រុងញូវយ៉កក្នុងសភាពអស់សង្ឃឹម
អាប់រ៉ាម ចើមែនស្គី គឺជាមហាសេដ្ឋីអ្នកអភិវឌ្ឍន៍អចលនទ្រព្យជាដែលរកចំណូលបានយ៉ាងច្រើនក្នុងអំឡុងពេលដែលទីផ្សារកើនឡើងនៅទសវត្សឆ្នាំ ១៩២០ ខណៈពេលសេដ្ឋកិច្ចកុំពុងរីកចម្រើន។ គាត់ធ្វើនូវអ្វីដូចមនុស្សជាច្រើននៅញូយកជោគជ័យស្ទើគ្រប់គ្នាបានធ្វើនៅចុងទសវត្ស១៩២០ នោះគឺភ្នាល់យ៉ាងច្រើន[2]ថាផ្សារហ៊ុននឹងហក់ឡើង។
នៅថ្ងៃទី ២៦
ខែតុលាឆ្នាំ ១៩២៩ កាសែតញូវយ៉កថែមស៍ បានបោះពុម្ពផ្សាយអត្ថបទពីរកថាខណ្ឌដែលបញ្ចប់ដោយភាពក្រៀមក្រំ
កាលពីព្រឹកម្សិលមិញ Burnard H មេធាវីរបស់ ក្រុមហ៊ុន ២៥៥
បានទទួលការស្នើរសុំពីលោកស្រីចើមែនស្កី
ឱ្យជួយ តាមរកប្តីរបស់នាងដែលបានបាត់ខ្លួនតាំងពីព្រឹកថ្ងៃព្រហស្បតិ៍។
Burnard H បានប្រាប់ថាលោក
ចើមែនស្កី ដែលមានអាយុ ៥០ ឆ្នាំ ហើយជាម្ចាស់អាជីវកម្មអចលនៈទ្រព្យនៅតំបន់ភាគខាងកើត បានវិនិយោគដើមទុនទាំងអស់លើផ្សារភាគហ៊ុន។
លោក Burnard H បាននិយាយថា លោកស្រីចើមែនស្កី បានប្រាប់គាត់ថាមានមិត្តម្នាក់ណាត់ជួបប្តីរបស់នាងនៅផ្លូវ Wallstreet ក្បែរ ទីតាំងផ្សារហ៊ុន នៅយប់ថ្ងៃព្រហស្បតិ៍។ យោងតាមព័ត៌មានដែលនាងប្រាប់ ប្តីរបស់នាងកំពុងហែកក្រដាស់តារាងតំលៃហ៊ុនជាចំណែកតូចៗ គ្រវែងចោលខ្ចាត់ខ្ចាយពេញផ្លូវ ខណៈពេលដែលគាត់កុំពុងដើរឆ្ពោះទៅផ្លូ វបដ៍វេ
ហើយនោះគឺជាចុងបញ្ចប់នៃ អាប់រ៉ាមចើមែនស្គី ដូចដែលយើងបានដឹង
មានភាពខុសគ្នាដាច់ពីរនៅទីនេះ!
ដកស្រង់ពីសៀវភៅ
ចិត្តវិទ្យាហិរញ្ញវត្ថុ
ប្រែសម្រួលដោយ ជា បូណាន ហិរញ្ញវត្ថុ រូបវន្តបុគ្គល