ចិត្តវិទ្យាហិរញ្ញវត្ថុ មិនចេះគ្រប់គ្រាន់(តចប់)
មិនចេះគ្រប់គ្រាន់(តចប់)
ប្រព័ន្ធមូលធននិយមទំនើបគាំទ្រដល់រឿងពីរយ៉ាងគឺ៖ ការបង្កើត ភាពស្តុកស្តម្ភ និងការបង្កើតការច្រណែន ពេលខ្លះរឿងទាំងពីរនេះកើតឡើងព្រមគ្នាក្នុងពេលតែមួយ។ តម្រូវការនាំមុខមិត្តភ័ក្តិរបស់អ្នក អាចជាកត្តាជម្រុញឱ្យអ្នកប្រឹងប្រែងកាន់តែខ្លាំង។ ប៉ុន្តែជីវិតគឺគ្មានសេចក្តីសុខប្រសិនបើអ្នកមិនស្គាល់ពាក្យថាគ្រប់គ្រាន់ នៅពេលដែលនិយាយថាសុភមង្គលគ្រាន់តែជាលទ្ធផលដែលដកដោយការរំពឹងទុក។
2.ការប្រៀបធៀបក្នុងសង្គមគឺជាបញ្ហា
កីឡាករបេសប៊លថ្មីដែលមានប្រាក់ចំណូល ៥០០,០០០ ដុល្លារក្នុងមួយឆ្នាំ គឺជាអ្នកមាន ទោះបីយើងគិតក្នុងន័យអ្វីក៏ដោយ។ ប៉ុន្តែប្រសិនបើឩទហរណ៍ថាគាត់កំពុងលេងក្នុងក្រុមជាមួយនឹងលោក Mike Traot ម៉ៃត្រៅវ៍ ដែលទទួលបានកិច្ចសន្យា រយះពេល ១២ ឆ្នាំ ជាមួយទឹកប្រាក់ ៤៣០លានដុល្លារ ប្រសិនបើនាំមកប្រៀបធៀបគ្នា កីឡាករថ្មីម្នាក់នោះគឺក្រជាង។ ប៉ុន្តែប្រសិនបើអ្នកគិតដល់ ម៉ៃត្រៅវ៍ ចំនួនទឹកប្រាក់ ៣៦ លានដុល្លារក្នុងមួយឆ្នាំគឺជាទឹកប្រាក់ដែលច្រើនសន្ធឹកសន្ធាប់។ ប៉ុន្តែប្រសិនបើអ្នកនឹងរកចំណូលឱ្យដូចជាអ្នកគ្រប់គ្រងមូលនិធិគ្រប់គ្រងហានិភ័យ Hede Fun ដែលមានប្រាក់ចំណូលច្រើនបំផុតចំនួន១០នាក់ក្នុងឆ្នាំ ២០០៨ នោះអ្នកនឹងត្រូវរកប្រាក់ចំណូលយ៉ាងហោចណាស់ ៣៤០ លានដុល្លារក្នុងមួយឆ្នាំ។ នោះអាចជាក្រុមមនុស្សដែលលោក ម៉ៃអាចយកខ្លួនឯងទៅប្រៀបធៀបផងដែរ។ ហើយអ្នកគ្រប់គ្រងមូលនិធិគ្រប់គ្រងហានិភ័យដែលមានចំណូល ៣៤០លានដុល្លារក្នុងមួយឆ្នាំ អាចយកខ្លួនឯងទៅប្រៀបធៀបជាមួយនឹងអ្នកគ្រប់គ្រងមូលនិធិគ្រប់គ្រងហានិភ័យ ដែលមានចំណូលខ្ពស់បំផុត ៥នាក់ដែលមានចំណូលយ៉ាងហោចណាស់ ៧៧០ លានដុល្លារក្នុងឆ្នាំ នៅឆ្នាំ២០១៨។ អ្នកគ្រប់គ្រងមូលនិធិដែលជាប់ចំណាត់ថ្នាក់ទាំងនោះអាចមើលទៅលើមនុស្សដូចជា Warren Buffett ដែលមានទ្រព្យសម្បត្តិផ្ទាល់ខ្លួនកើនឡើង ៣,៥០០ លានដុល្លារក្នុងឆ្នាំ ២០១៨ ហើយមនុស្សម្នាក់ដូចជា Buffett អាចមើលនៅ Jeffbeso ដែលមានទ្រព្យសម្បត្តិសុទ្ធ កើនឡើង ២៤,០០០ លានដុល្លារនៅឆ្នាំ ២០១៨។ ចំនួនទឹកប្រាក់សរុបនេះច្រើនជាងបើប្រៀបធៀបទៅនឹងទឹកប្រាក់គិតជាម៉ោងរបស់អ្នកលេងបាល់ដែលមមានស្តុកស្តម្ភ "អាចរកបានក្នុងរយះពេលមួយឆ្នាំពេញ។
ប្រធានបទគឺថា ពិដាននៃការប្រៀបធៀបសង្គមគឺខ្ពស់ណាស់រហូតគ្មាននរណាម្នាក់អាចធ្វើបានឡើយ។ ដែលមានន័យថា វាគឺជាសង្រ្គាមដែលគ្មានថ្ងៃឈ្នះឡើយ ហើយមធ្យោបាយតែមួយគត់ដើម្បីឈ្នះគឺមិនចូលក្នុងទីលានដើម្បីប្រយុទ្ធដោយចាប់ផ្តើមពីការទទួលយកថា អ្នកអាចមានគ្រប់គ្រាន់ហើយ ទោះបីជាវាអាចតិចជាងអ្នកដទៃដែលព័ទ្ធជុំវិញដោយអ្នកមានជាងអ្នកក៏ដោយ។
មិត្តភ័ក្តិរបស់ខ្ញុំម្នាក់បានចេញទៅផ្សងសំណាងនៅឡាវេហ្គាសជារៀងរាល់ឆ្នាំ ក្នុងមួយឆ្នាំៗគាត់បានសួរអ្នកចែកបៀរថា តើអ្នកលេងហ្គេមអ្វី? ហើយអ្នកលេងនៅកាស៊ីណូណា? អ្នកចែកបៀរបានធ្វើមុខមាំហើយឆ្លើយតបថា " វិធីតែមួយគត់ដើម្បីឈ្នះនៅកាស៊ីណូឡាសវេហ្គាស គឺចេញឱ្យបានឆាប់នៅពេលអ្នកឈានជើងចូលមក "
នោះគឺជាមធ្យោបាយស្រវេរស្រវាប្រមាញ់ភាពស្តុកស្តម្ភរបស់អ្នកដទៃយ៉ាងច្បាស់។
3. "គ្រប់គ្រាន់" គឺមិនតិចខ្លាំងពេក
ទស្សនៈនៃការមាន "គ្រប់គ្រាន់" ហាក់ដូចជាប្រងើយកន្តើយ ជាការបណ្តោយឱកាស និងសក្តានុពលចោល។
ខ្ញុំគិតថាវាមិនមែនជាគំនិតត្រឹមត្រូវទេ!
"គ្រប់គ្រាន់" គឺការភ្ញាក់រឡឹកថា ការស្រេកឃ្លានដែលមិនចេះគ្រប់ ផ្ទុយទៅវិញនឹងរុញច្រានអ្នកទៅកាន់ចំណុចមួយដែលអ្នកនឹងសោកស្តាយ វិធីតែមួយគត់ដែលដឹងថាអ្នកអាចញ៉ាំបានច្រើនប៉ុណ្ណាគឺ ញ៉ាំរហូតទាល់តែអ្នកឈឺ។ មានមនុស្សមិនជាច្រើនទេធ្វើដូច្នេះ ព្រោះការក្អួត មានផលលំបាកជាងការបរិភោគអាហារឆ្ងាញ់ៗ។ ដោយហេតុផលមួយចំនួន តក្កនេះមិនដំណើរការជាមួយអាជីវកម្ម និងការវិនិយោគទេ ហើយមានមនុស្សជាច្រើននឹងឈប់ធ្វើរឿងទាំងនេះបន្តទៀតនៅពេលពួកខ្ស័យធន ហើយត្រូវបង្ខំឱ្យបញ្ឈប់តែប៉ុណ្ណោះ។ រឿងនេះអាចមានលក្ខណៈដូចគ្នានឹងការអស់អារម្មណ៍ចំពោះការងារ ឬការបែងចែកការវិនិយោគលើហានិភ័យដែលអ្នកមិនអាចរក្សាបាន ប៉ុន្តែនៅម្ខាងទៀតនៅតែមានមនុស្សដូចជា គុបតា និងមេដហ្វហ៍នៅលើលោកនេះ។ ដែលបានងាកមកពឹងផ្អែកលើការប្រមែប្រមូល ព្រោះរាល់ដុល្លារគឺមានតម្លៃក្នុងការក្រសោបយកដោយមិនគិតពីផលវិបាកដែលនឹងអាចកើតមានឡើង។
មិនថាដោយហេតុផលអ្វីក៏ដោយ នៅទីបញ្ចប់ ការអសមត្ថភាពក្នុងការបដិសេធលុយដែលអាចរកបាននឹងដេញតាមអ្នករហូតតាមទាន់។
4.មានរឿងជាច្រើនដែលមិនសមនឹងប្រថុយ
បន្ទាប់ពីគុបតា ត្រូវបានដោះលែងពីពន្ធនាគារ គាត់បានប្រាប់កាសែតញូវយ៉កមែម៍ថា គាត់បានរៀនមេរៀនមួយគឺ
កុំប្រកាន់ភ្ជាប់នឹងអ្វីមួយខ្លាំងពេក មិនថាកេរ្ដិ៍ឈ្មោះ ភាពជោគជ័យ ឬអ្វីក៏ដោយ ខ្ញុំទើបតែគិតឃើញពេលនេះ ហើយវាសំខាន់បែបណា?
អូខេ វាបំផ្លាញកេរ្តិ៍ឈ្មោះរបស់ខ្ញុំគ្មានប្រណី វាជារឿងដែលលំបាកខ្លាំងណាស់ ប្រសិនបើខ្ញុំប្រកាន់ភ្ជាប់នឹងកេរ្តិ៍ឈ្មោះរបស់ខ្ញុំខ្លាំងពេក។
នេះហាក់ដូចជារឿងដ៏អាក្រក់បំផុតដែលគាត់អាចរៀនពីបទពិសោធន៍ខ្លួនឯង ហើយអ្វីដែលខ្ញុំអាចស្រមៃឃើញគឺការលួងលោមខ្លួនឯងបុរសម្នាក់ដែលចង់បានកេរ្តិ៍ឈ្មោះរបស់ខ្លួនឯងមកវិញដោយគ្មានសង្ឃឹម។ ប៉ុន្តែក៏ដឹងថាវាបានបាត់បង់ទៅហើយ
កេរ្តិ៍ឈ្មោះមិនអាចកាត់ថ្លៃបាន
ឥសរភាព និងសេរីភាពមិនអាចកាត់ថ្លៃបាន
គ្រួសារ និងមិត្តភក្តិមិនអាចកាត់ថ្លៃបាន
ការទទួលបានក្តីស្រឡាញ់ពីមនុស្សដែលអ្នកចង់ឱ្យស្រឡាញ់គឺមិនអាចកាត់ថ្លៃបាន
សេចក្តីសុខមិនអាចកាត់ថ្លៃបាន
ហើយអ្វីដែលល្អបំផុតដើម្បីរក្សារបស់ទាំងនេះគឺត្រូវដឹងថាពេលណាវាដល់ពេលដែលអ្នកត្រូវបញ្ឈប់ការប្រថុយប្រថានដែលអាចបង្កគ្រោះថ្នាក់ដល់រឿងទាំងនេះ គឺដឹងថានៅពេលណាអ្នកមានគ្រប់គ្រាន់ហើយ។
ដំណឹងល្អគឺ ឧបករណ៍ដ៏ល្អបំផុតក្នុងការបង្កើតអារម្មណ៍គ្រប់គ្រាន់ គឺជារឿងងាយស្រួល ហើយមិនតម្រូវឱ្យអ្នករងសម្ពាធហានិភ័យដែលអាចបង្កការខូចខាតចំពោះរឿងទាំងនេះ នោះគឺជារឿងនៅក្នុងជំពូកបន្ទាប់។
ដកស្រង់ពីសៀវភៅ
ចិត្តវិទ្យាហិរញ្ញវត្ថុ
ប្រែសម្រួលដោយ ជា បូណាន ហិរញ្ញវត្ថុ រូបវន្តបុគ្គល