លុយទាន់ចិត្ត
™T˜
«ផ្លូវកាត់ទៅកាន់នរកហិរញ្ញវត្ថុ»
ការដោះស្រាយបញ្ហាដោយការប្រមាទយកតែរួចពីដៃ
នាំមកនូវបញ្ហាថ្មីដែលធំហើយលំបាកជាងមុន!
ពេលល្ងាចមួយ ខណៈពេលជជែកជាមួយសិស្សម្នាក់ ដែលធ្វើការផ្នែកបច្ចេកវិទ្យា(IT) ខ្ញុំសួរគេថាតើ
មនុស្សភាគច្រើនគេប្រើពាក្យអ្វី (Key
world) ច្រើនជាងគេដើម្បីស្វែងរក ទិន្នន័យក្នុងហ្គូហ្គល(Google)។ ចម្លើយដែលខ្ញុំបានទទួល
ធ្វើឱ្យខ្ញុំភ្ញាក់ផ្អើលគឺ «មានលឿន ទាន់ចិត្ត កម្ចីទាន់ចិត្ត គំនិតសេដ្ឋី
វិនិយោគជោគជ័យ » និងចងការជាដើម ក្នុងមួយខែមានអ្នកចុចពាក្យទាំងនេះច្រើនរាប់ម៉ឺនសែននាក់។
ពីករណីសិក្សាខាងលើគ្រប់គ្រាន់ឱ្យយើងបានដឹងថា មនុស្សមានតម្រូវការលុយច្រើនយ៉ាងដូចម្តេច
ក្នុងការរស់នៅប្រចាំថ្ងៃ។
ក្នុងនាមជាអ្នកចែករំលែកហិរញ្ញវត្ថុរូបវន្តបុគ្គល
ដែលធ្លាប់ជួយដោះស្រាយបញ្ហាដល់មនុស្សជាច្រើន “
ការដោះស្រាយបញ្ហាដោយការខ្ចីលុយមកបង្វិល គឺជាវិធីដែលមិនត្រឹមត្រូវ ” ជាពិសេស ការខ្ចីយកមកចាយវាយ បរិភោគ(ប្រើប្រាស់)
ប្រចាំថ្ងៃ
រួមទាំងការយកទៅរំលស់បំណុលដែលមានស្រាប់(ខ្ចីថ្មី
សងចាស់) រឹតតែធ្វើឱ្យបញ្ហាកាន់តែរីករាលដាលកាន់តែធំឡើងៗ
នាពេលខាងមុខ(លើកលែងបំណុលថ្មី ដែលមានការប្រាក់និងលក្ខខណ្ឌល្អជាងមុន)។
អាជីវកម្មដែលប្រើបំណុលដើម្បីពង្រីកអាជីវកម្មមានតែភាពរីកចម្រើន
តែបើសិនជាអាជីវកម្មយកបំណុលមកបង្វិល មកបើកប្រាក់ខែឱ្យបុគ្គលិក បង់ថ្លៃឈ្នួលផ្ទះ ទឹក
ភ្លើង សោហ៊ុយផ្សេងៗ ហ៊ានធានាថាបែបនេះមិនយូរច្បាស់ជាត្រូវរលាយជាមិនខាន។
មនុស្សយើងម្នាក់ៗ ក៏ដូចគ្នាដែរ បើខ្ចីយកមកវិនិយោគ(តាមសម្បទា និងផែនការ ) មានតែរីកចម្រើនឡើងៗ។
“ តែត្រូវចេះវិនិយោគ និងមានចំណេះដឹងហិរញ្ញវត្ថុរូបវន្តបុគ្គល ” តែបើខ្ចីមកស៊ីចាយ បែបនេះមិនយូរប៉ុន្មានជំពាក់ដូចអំបោះ
ខ្ចីជាបន្តបន្ទាប់ ដែលនាំឱ្យធ្លាក់ក្នុងអន្ទាក់បំណុល ផុងជ្រៅរហូតរើខ្លួនស្ទើរមិនរួច។
តើអ្វីទៅដែលធ្វើឱ្យការខ្ចីលុយមកចាយប្រចាំថ្ងៃ
ក្លាយជាបញ្ហារីករាលដាលនាពេលខាងមុខក្នុងរយៈពេលវែង?
១. មនុស្សមួយចំនួនខ្ចីលុយ ដើម្បីដោះស្រាយបញ្ហាចំពោះមុខ (ប្រញាប់) ដោយភ្លេចគិតថា
ខ្ចីហើយត្រូវតែសងវិញ។
សំណួរសួរថា
ខ្ចីហើយតើបានលុយពីណាយកមកសងគេ?
ជាពិសេសអ្នកធ្វើការស៊ីប្រាក់ខែ
ចំណូលថេរដូចមុន ខែនេះចាយមិនគ្រប់ ខែក្រោយក៏នៅតែមិនគ្រប់ដដែល បើចឹងធ្វើមេច ?
គឺមានតែខ្ចីថែមទៀត
ដើម្បីដោះស្រាយបញ្ហាចំពោះមុខសិនបន្ទាប់មកបង្វិលពេញហ្នឹងនាំឱ្យបំណុលរីកធំឡើងៗ
ទាំងមិនដឹងខ្លួន។
អ្នកដែលធ្វើការនៅកន្លែងការងារមួយចំនួន
ដែលមានបុគ្គលិកផ្តល់កម្ចីក្រៅ(ដូចជា កាស៊ីណូ រោងចក្រ ខារ៉ាអូខេ និងក្លឹបកំសាន្ត។ល។
ដឹងឮយ៉ាងច្បាស់ ព្រោះថ្ងៃដែលបើកប្រាក់ខែ គឺមានអ្នកមកឈរចាំកន្លែងបើកលុយ ហើយមានអ្នកខ្លះសងហើយក៏ខ្ចីវិញភ្លាមៗក្នុងថ្ងៃជាមួយគ្នាតែម្តង ព្រោះប្រាក់ខែសងគេអស់ហើយមិនមានអីចាយត្រូវខ្ចីយកទៅចាយវិញបើមិនអញ្ចឹងទេ គឺអត់មានអីហូបចុក ហើយនឹងត្រូវធ្វើបែបនេះដដែលៗ ដោយមិនព្រមរកវិធីដោះស្រាយនោះទេ
ព្រោះមិនដឹងធ្វើយ៉ាងណា។
ដើម្បីដោះបំណុលត្រូវប្រើលុយ
ដែលមិនដុះកន្ទុយ(អត់ការ) ដូចជា៖
ធ្វើការបន្ថែម ធ្វើការក្រៅ បើករបរតូចៗក្រៅម៉ោង ដែលប្រើដើមតិច ឬមិនប្រើដើម បង្កើនចំណូល ហើយអត់ធ្មត់តស៊ូុដោះស្រាយម្តងមួយជំហ៊ានៗ។
ធ្វើបែបនេះវាលំបាកមុន តែស្រណុកក្រោយ! តែបើរត់ទៅខ្ចី ឬចងការគេ វាស្រួលទាន់ចិត្ត តែវាអាចនឹងលំបាកគ្មានថ្ងៃស្រាកស្រាន្តនោះទេ។
២.
ខ្ចីចាយដោយមិនបានប្រយ័ត្នប្រយែង ប្រញាប់ឱ្យបានរួសរាន់ទាន់ចិត្ត អាចផុងខ្លួននឹងការប្រាក់ថ្លៃ
ដែលនាំឱ្យបំណុលរឹតតែធ្ងន់ជាងមុន។
តាមពិតអ្នកដែលមានបំណុលអាចខ្ចីលុយយកមកសងលុយចាស់បាន(ភាសារហិរញ្ញវត្ថុ
ហៅថា ការរៀបចំឥណទានឡើងវិញ «រីហ្វាយនេន»Re-Finance)។
តែការខ្ចីថ្មីដែលត្រឹមត្រូវតាមក្បួន
អ្នកត្រូវប្រាកដថា អត្រាការប្រាក់ទាបជាងមុន និងធ្វើឱ្យការបង់រំលស់ប្រចាំខែថយចុះនៅសល់តិចជាងមុន។ បើមិនដូច្នេះទេ ការខ្ចី
របស់អ្នកនឹងនាំឱ្យបំណុលរឹតតែរីកធំជាងមុន។
ករណីសិក្សាជាច្រើនបានបង្ហាញយ៉ាងច្បាស់ថា
អ្នកដែលជាប់បំណុលធនាគាររួចហើយ ជ្រើសយកជម្រើសចងការប្រាក់ខាងក្រៅមកបង់រំលស់ បណ្តោះអាសន្នក្នុងករណីខ្វះខាតខ្លាំង។
បំណុលធនាគារពេលនេះ
ថ្លៃបំផុតការប្រាក់ ១៨% ក្នុងមួយឆ្នាំយើងលំបាកទៅហើយ
ចុះទម្រាំចងការប្រាក់ពីខាងក្រៅថោកបំផុត ៣% ឬពេលខ្លះមានដល់ ១០% និងលើសនេះទៀតក្នុងមួយខែ។ ចុះបើការប្រាក់១០% វិញ មិន១២០% ហើយទេក្នុងមួយឆ្នាំ?
បែបនេះត្រឹមកន្លះឆ្នាំជាងភ្លេចៗខ្លួនការប្រាក់ឡើងជិតស្មើប្រាក់ដើមបាត់ទៅហើយ!
ដើម្បីយល់កាន់តែច្បាស់ សូមមើលតារាងខាងក្រោម របស់នាយសង្ហា បច្ចុប្បន្នគាត់មានប្រាក់ខែ ៥០០ដុល្លា៖
(តារាងទី០១)
|
ស្ថាប័ន |
ជំពាក់ |
ការប្រាក់ |
បង់ខែ |
រយៈពេល |
|
ធនាគារ |
៣,០០០$ |
៤៥$ (១,៥%) |
១០៩$ |
៣ ឆ្នាំ |
|
ទូរស័ព្ទ |
៣០០$ |
រួមបញ្ចូលគ្នា |
៣០$ |
១ ឆ្នាំ |
|
បន្ទប់ជួល |
|
|
៥០$ |
|
|
ទឹក
ភ្លើងសាំង |
|
៥០$ |
|
|
|
ម្ហូបអាហារ
ចំណាយផ្ទាល់ខ្លួន |
|
២៥០$ |
|
|
|
ប្រាក់ខែ |
ចំណូល ៥០០$ |
ចំណាយ សរុប ៤៨៩$ |
||
|
ប្រាក់នៅសល់ប្រចាំខែ |
១១$ |
|||
នាយសង្ហាមានប្រាក់ខែ៥០០$ ខ្ចីធនាគារ៣,០០០$ ដើម្បីទិញម៉ូតូ
និងរំលស់ទូរស័ព្ទតម្លៃ៣០០$ផ្សេងទៀតដែលនាំឱ្យគាត់ត្រូវបង់រំលស់ជាប្រចាំក្នុងមួយខែ១៣៩$។
ក្រោយមកពេលខ្លះម៉ូតូខូច
មានកម្មវិធីជប់លៀង ដើរកម្សាន្ត ទិញសំលៀកបំពាក់ថ្មី គាត់បានខ្ចីលុយពីមិត្តភក្តិ និងសាច់ញាតិយកមកបង្វិលមួយចំនួនក្នុងរយះពេលខ្លី។
តែក្រោយពីបើកប្រាក់ខែមកសងគេអស់ ទើបត្រូវខ្ចីគេមកប្រើវិញ
ដែលការខ្ចីលើកនេះមានការប្រាក់ខ្លះ អត់ការប្រាក់ខ្លះ នាំឱ្យរបាយការណ៍សាច់ប្រាក់របស់គាត់ដូចខាងលើ។
របាយការណ៍ហិរញ្ញវត្ថុ (ចំណូល ចំណាយ) (តារាង ២)
|
ស្ថាប័ន |
ជំពាក់ |
ការប្រាក់ |
បង់ខែ |
រយៈពេល |
|
ធនាគារ |
៣,០០០$ |
៤៥$ (១,៥%) |
១០៩$ |
៣ ឆ្នាំ |
|
ទូរស័ព្ទ |
៣០០$ |
រួមបញ្ចូលគ្នា |
៣០$ |
១ ឆ្នាំ |
|
បន្ទប់ជួល |
|
|
៥០$ |
|
|
ចងការ |
១,០០០$ |
ការប្រាក់ ៥% |
៥០$ |
រហូត |
|
ទឹក ភ្លើង សាំង |
|
៥០$ |
|
|
|
ម្ហូបអាហារ ចំណាយផ្ទាល់ខ្លួន |
|
២៥០$ |
|
|
|
ប្រាក់ខែ |
ចំណូល ៥០០$ |
ចំណាយ សរុប ៥៣៩$ |
||
|
ប្រាក់នៅសល់ប្រចាំខែ |
ខ្វះ (៣៩)$ |
|||
ដោយត្រូវការចាយ និងបង្វិលសងគេវិញ ធ្វើឱ្យនាយសង្ហាសម្រេចចិត្តចងការប្រាក់ខាងក្រៅ១,០០០$
ជាមួយអត្រាការប្រាក់៥%ក្នុងមួយខែ ដើម្បីដោះស្រាយបញ្ហាចំពោះមុខ។
របាយការណ៍ហិរញ្ញវត្ថុរបស់គាត់ប្រែរូបរាងដូចខាងលើ (តារាង ២)។
លោកអ្នកឃើញហើយថា
ការខ្ចីលុយដើម្បីដោះស្រាយបញ្ហាលុយឱ្យទាន់ចិត្តស្រួល អាចដោះស្រាយបានតែមួយពេល តែធ្វើឱ្យបញ្ហារឹតតែធំឡើង
។
ក្រោយពីចងការប្រាក់រួចមកធ្វើឱ្យការចំណាយរបស់គាត់កើនឡើងពី
៤៨៩$ ទៅជា ៥៣៩$ ពេលនេះហើយដែលនាំឱ្យជីវិតរបស់គាត់ធ្លាក់ក្នុងអន្ទាក់បំណុល
ដូចជាអំបោះរុំដែលគ្មានថ្ងៃបញ្ចប់ ត្បិតមើលទៅតិចតួចក៏ពិតមែន(សង្កេតមើលការសងប្រចាំខែ
ដែលកើនឡើង និងបំណុលដែលមិនបានថយចុះនោះទេ)។
សួរថាតើ ខែក្រោយៗយកលុយពីណាមកសងលុយដែលខ្វះ៣៩$?
ត្រឹមប៉ុណ្ណេះអ្នកទាំងអស់គ្នាអាចមើលឃើញភាពហិនហោចដែលនឹងកើតឡើងនាពេលខាងមុខហើយមែនទេ?
នេះគឺជាពិសនៃលុយ!
(ទាន់ចិត្ត) ងាយស្រួលមិន រញេ៉រញៃ៉!
តែបើខ្ចីដោយមិនបានគិត
និងមិនមានផែនការច្បាស់លាស់ គឺមានតែវិនាស វិនាស វិនាសតែម្យ៉ាងគត់។
ក្រោយពីបានអានចប់ហើយ
សាកល្បងគិតមើលថា តើអ្នកត្រូវការលុយស្រួល លឿនទាន់ចិត្តយកមកដោះស្រាយបញ្ហា?
ឬចាប់ផ្តើមដោះស្រាយប្រកបដោយការទទួលខុសត្រូវ និងមានភាពវ័យឆ្លាត?
លុយទាន់ចិត្ត
™÷˜