វដ្ដនៃភាពក្រីក្រ
T
បាលីការពារ ក្រ ៖ “ គ្រប់គ្រាន់ មានហេតុផល
សន្សំ! ”
ច្រើនឆ្នាំកន្លងមក ខ្ញុំមានឱកាសផ្តល់ប្រឹក្សាហិរញ្ញវត្ថុដល់មនុស្សមួយចំនួនតាមវិទ្យុ
តាមរយៈហ្វេសបុកឆាត (Facebook chat) និងជួបផ្ទាល់ ធ្វើឱ្យខ្ញុំរកឃើញថាមូលហេតុដែលធ្វើឱ្យមនុស្សជាច្រើនផុងខ្លួននឹងបំណុល
គឺដោយសារមូលហេតុមួយចំនួនដូចខាងក្រោម៖
១. ចាយលើសលទ្ធភាព៖
ខ្ញុំមិនហៅចាយវាយខ្ជះខ្ជាយនោះទេ
ព្រោះចាយវាយខ្ជះខ្ជាយពេលខ្លះ មនុស្សយើងអាចធ្វើបាន បើសិនជាមានលទ្ធភាព និងមិនធ្វើឱ្យខូចវិន័យនៃការចាយវាយរបស់គេនោះទេ។
អ្នកមានចំណូល ៥០០$ ធ្លាប់ចាយជាមធ្យម ៣០០$ ទៅ៣៥០$ ក្នុងមួយខែ តែខែខ្លះមានបុណ្យ ការ ឬត្រូវទៅលេងស្រុក
ឈឺស្កាត់ ក៏អាចចាយរហូតដល់៤៥០$ ឬ៥០០$ តែម្តងក៏អាចទៅរួចដែរ
ព្រោះមិនទាន់ចូលដើម។
ហេតុដូច្នេះ
ការចាយវាយខ្ជះខ្ជាយមិនមែនជាបញ្ហានោះទេ តែបញ្ហាគឺចាយលើសគីឡូ(លើសសមត្ថភាព)ទៅវិញទេ។ ចង់បានរបស់តែមិនសូវមានលុយ មិនព្រមសន្សំលុយសិនចាំទិញ បែជាបង់រំលស់តាមចិត្តភ្លាមតែម្តង។
ចរិកចាយលុយរបៀបនេះ
គឺគួរឱ្យខ្លាចខ្លាំងណាស់ ព្រោះជាការប្រើជីវិតដែលមិនបានគិតដល់អនាគត យកអារម្មណ៍ចង់បានជាធំ
ហើយបើក្លាយជាទម្លាប់ គឺពិបាកកែខ្លាំងណាស់។
អ្នកមានប្រាក់ខែ
៥០០$ រំលស់ទូរស័ព្ទតម្លៃ២០០$
ទៅ៣០០$ ដោយរំលស់ ២៥$ ទៅ៣០$ ក្នុងរយៈពេល១ឆ្នាំ ដែលធ្វើឱ្យពួកគេមើលរំលងថាអាចបង់រំលស់បានយ៉ាងងាយស្រួល
ព្រោះបើគិតប្រាក់ខែ៥០០$ ប្រៀបធៀប ១ខែ២៥$ ទៅ៣០$
ពួកគេគិតថាស៊ីផុយ។ តែគាត់ភ្លេចគិតថា ខែមុនមានដែលសន្សំ ឬសល់លុយលើសពី30$
ដែរឬទេ?
ព្រោះបើមាន ឬសន្សំបាន
ការរំលស់ទូរស័ព្ទយកមកប្រើក៏មិនចាត់ទុកថាលើសសមត្ថភាពនោះដែរ។
តែបើសិនជាកន្លងមកមិនដែលសល់លុយមួយរៀល ដាច់ខែដាច់ខ្យល់ “ដើមខែសារីមេ ចុងខែសារេ...”។ ការបង់រំលស់ខាងលើគឺលើសគីឡូ
«លើសលទ្ធភាព» ហើយ។
២. គ្មានផែនការការពារការប្រឈមជាមួយវិបត្តិហិរញ្ញវត្ថុ
ដែលអាចកើតមានជាយថាហេតុ៖
អ្នកដែលរកលុយបានមក
ចាយអស់ មិនដែលមានលុយសល់ មិនចេះសន្សំ មិនមានផែនការដោះស្រាយការប្រឈមផ្នែកហិរញ្ញវត្ថុ
ដែលអាចកើតមាន ឈឺស្កាត់ ឧប្បត្តិហេតុុ អត់ការងារធ្វើ បើកប្រាក់ខែយឺត ឬបើកមិនបាន(ក្រុមហ៊ុនបិទ)
។ល។ តែងតែធ្លាក់ចូលក្នុងវដ្តនៃភាពក្រីក្របានយ៉ាងងាយ ជាងអ្នកដែលបានត្រៀមលក្ខណៈសម្បត្តិយ៉ាងល្អទុកជាមុន។ លើកឧទាហរណ៍រឿងងាយៗ អ្នកដែលមានម៉ូតូ ឡាន បើកសុខៗ
ស្រាប់តែអាសំណព្វរបស់បងប្អូនខូច បើម៉ូតូត្រឹម
៤០$ ទៅ៥០$ បើឡានខ្ទង់រាប់រយដុល្លារ
តើបានលុយមកពីណាជួសជុល បើមិនដែលសន្សំលុយផង បើមិនសុំម៉ែ ឪ ឬខ្ចីគេ?
អ្នកដែលមិនខ្វល់ខ្វាយពីរឿងសុខភាព ល្ងាចឡើងដាក់ (ផឹក) ថ្ងៃណាមួយ សុខៗ មានជំងឺ
ត្រូវចំណាយថ្លៃព្យាបាលរាប់រយដុល្លារបែបនេះ ពេលជាហើយ ស្ទើរឈឺម្តងទៀតពេលឃើញចំណាយ។
ទាំងនេះគ្រាន់តែជារឿងរ៉ាវមួយចំនួន
ដែលជាបញ្ហាប្រឈមដែលអាចកើតឡើងលើជីវិតយើងគ្រប់គ្នា ដែលសុទ្ធតែត្រូវការប្រើលុយឱ្យខានតែបាន។
បើអ្នកមិនមានលុយទេ មានតែខ្ចីបុលគេ
ដែលជាហេតុត្រូវធ្លាក់ក្នុងអន្ទាក់បំណុល។
៣. ដោះស្រាយបញ្ហាហិរញ្ញវត្ថុឱ្យរួចតែពីដៃ៖
អ្នកដែលមានទម្លាប់
ទាំងចាយវាយលើសលទ្ធភាព និងមិនមានការត្រៀមខ្លួនជាមួយបញ្ហាប្រឈមរឿងហិរញ្ញវត្ថុ(លុយ) ពេលមានបញ្ហា
ច្រើនតែប្រើវិធីប្រមាទដោះ
ស្រាយឱ្យតែរួចពីដៃ។ ខ្វះលុយ ត្រូវការលុយ ក៏ដោះស្រាយដោយប្រមាទ
ដោយរកលុយមកដោះស្រាយឱ្យផុតៗ មិនបានគិតពិចារណាថា លុយដែលទាញយកមកដោះស្រាយបញ្ហានៅពេលនេះ
អាចធ្វើឱ្យមានផលប៉ះពាល់អ្វីខ្លះដល់ជីវិតរស់នៅ នៅថ្ងៃខាងមុខដែរឬទេ?
ឧទាហរណ៍ ចង់បានទូទឹកកកតម្លៃថ្លៃប្រើ ជំនួសឱ្យខំសន្សំលុយដើម្បីទិញ បែរជារំលស់យកតែម្តង
រួចត្រូវរំលស់ជាប់(ចំណាយថេរ) ចាប់ពី ១២ខែ រហូតដល់៣៦ខែ។
ពេលខ្លះត្រូវការលុយចាយ
ក៏ចងការប្រាក់ ឬខ្ចីធនាគារដោយមិនបានខ្វល់ពីការប្រាក់ចាប់ពី១០%ក្នុង១ខែ ឬប្រាក់រំលស់ធនាគារទាំងដើមទាំងការថាតើទៅរួច ដែរឬទេ? ចុងក្រោយខ្ចី អាថ្មី
សងអាចាស់! ការប្រាក់ថ្លៃទៅៗ ជីវិតវិលវល់បែបនេះគ្មានថ្ងៃចប់។
៤. រកស៊ីខាត
ឬចាញ់បោកគេ
នៅប៉ុន្មានឆ្នាំចុងក្រោយនេះ
មានមនុស្សមួយចំនួនបានខាតបង់ដោយការរកស៊ី ឬវិនិយោគខាតដោយខ្វះចំណេះដឹង។
មានអ្នកខ្លះបានជឿតាមការអូសទាញរបស់អ្នកហិរញ្ញវត្ថុបាយឆៅ
(អ្នកហិរញ្ញវត្ថុចេះស្ទើរ) ផុងខ្លួនខាតបង់លុយកាក់។ អ្នកខ្លះដាក់លុយបានលុយ តែបាត់លុយទាំងដើមទាំងការ។ អ្នកខ្លះទិញដីបានខ្យល់
វិលវល់អំពល់សៅហ្មងក្នុងឱរ៉ា មិនបានធ្វើអ្វីនោះទេគឺក្តៅក្រហាយដោយសារទ្រព្យខ្លួនឯង
មានអ្នកខ្លះខ្ចីលុយបងប្អូន ឬចងការគេថែមទៀតផង។ មួយចំនួនទៀតជួញដូរលុយអេឡិចត្រូនិច។ល។ ដោយរំពឹងថានឹងបានក្លាយជាសេដ្ឋីឆាប់ៗ
បានផុងខ្លួនយ៉ាងជ្រៅ អស់លុយកាក់ រហូតជំពាក់បំណុលគេ
តែមិនព្រមលះបង់នោះទេព្រោះចង់ដោះស្រាយបញ្ហាឱ្យបានលឿនទាន់ចិត្ត។
ប្រសិនបើថ្ងៃនេះជីវិតអ្នកស្ថិតនៅក្នុងវដ្តនៃភាពក្រីក្រដោយសារបំណុលដែលបានលើកឡើងខាងលើ
ល្មមដល់ពេលហើយ ដែលអ្នកគួរតែចាប់ផ្តើមដោះស្រាយបញ្ហាយ៉ាងប្រាកដប្រជា មុនពេលអ្វីៗ
ហួសពេលអស់!
“ មានយឺត
ប្រសើរជាង ក្រលឿន! ”
វដ្តនៃភាពក្រីក្រ