ប្រភេទអ្នកជាប់បំណុល
T
“ បំណុលអាក្រក់
ជាមេរោគដ៏គ្រោះថ្នាក់បំផុតព្រោះ
វាមិនត្រឹមតែបំផ្លាញលុយក្នុងហោប៉ៅរបស់អ្នកតែប៉ុណ្ណោះទេ
តែវានៅបំផ្លាញផ្លូវចិត្តដែលធ្វើឱ្យអ្នករស់នៅ
ជាមួយភាពឈឺចាប់ថែមទៀតផង។ ”
បើយើងប្រៀបធៀបអ្នកជាប់បំណុលជាមួយអ្នកមានជំងឺ
យើងអាចបែងចែកអ្នកជាប់បំណុលជាពីរប្រភេទគឺ អ្នកជំងឺទូទៅ និងអ្នកជំងឺកម្រិតធ្ងន់។
១. អ្នកជំងឺទូទៅ
សំដៅទៅលើ អ្នកដែលមានបំណុល
តែមានលទ្ធភាពបង់រំលស់បាន ហើយនៅសល់លុយល្មមអាចហូបចុកគ្រប់គ្រាន់។
អ្នកជំងឺប្រភេទនេះ គឺអាចព្យាបាលឱ្យជាសះស្បើយបានដោយងាយ
ព្រោះបេះដូងសំខាន់នៃការដោះបំណុល គឺមានប្រាក់នៅសល់ក្រោយចាយវាយ។
បើនៅចាត់ចែងមានលុយសល់បានរាល់ខែ គឺអាចមានលទ្ធភាពរំដោះខ្លួនពីអន្លង់បំណុលបានដោយប្រើថ្នាំធម្មតាៗ ដោយមិនបាច់ប្រើថ្នាំខ្លាំងនោះទេ។
សូមមើលតារាងចំណូល ចំណាយ(របាយការហិរញ្ញវត្ថុ)
របាយការណ៍ |
ចំនួនទឹកប្រាក់ |
ប្រាក់ខែ |
៥០០$ |
សន្សំ |
៥០$ |
សេវាសុខមាលភាពសង្គម ពន្ធ(បើមាន) |
០$ |
ឈ្នួលផ្ទះ |
៥០$ |
ទឹក ភ្លើង សាំង និងកាតទូរស័ព្ទ |
៥០$ |
បង់រំលស់ ធនាគារ
ឬកាតក្រេឌីត(បើមាន) |
១០៩$ |
ការចាយវាយផ្ទាល់ខ្លួន |
២២៥$ |
ប្រាក់នៅសល់ |
១៦$ |
តារាងចំណូលចំណាយ
តាមតារាង ត្រូវបង់រំលស់បំណុលជាង ១០០$ ស្មើនឹង២២% ដែលស្ថិតនៅកម្រិតដែលអាចទៅរួច
(ក្រោម៤០% បែបនេះអាចទ្រាំបង់រំលស់រហូតដល់អស់ និងសន្សំលុយសល់បន្តិចចបន្តួច
រួមជាមួយប្រាក់សន្សំ ដើម្បីសងដើមឱ្យឆាប់អស់(រីស្កែដ្យូល Re-schedule ឥណទានរៀបចំឡើងវិញ ) នៅពេលបន្ទាប់។ តែរឿងដែលសំខាន់កុំភ្លេចឈប់បន្ថែមបំណុល(អាក្រក់)ទៀតឱ្យសោះ!
២. អ្នកជំងឺធ្ងន់
សំដៅដល់អ្នកដែលមានបំណុលច្រើន
រហូតដល់គ្មានលុយចាយគ្រប់គ្រាន់ ចរន្តសាច់ប្រាក់ខ្វះខាត ចំណូលរួមតិចជាងចំណាយ ហើយជីករណ្តៅកប់ខ្លួនឯងដោយចងការក្រៅ
ទៅបង់រំលស់ធនាគារ
ដែលរឹតតែបង្កើនបំណុលអាក្រក់កាន់តែច្រើនថែមទៀត។
អ្នកជាប់បំណុលកម្រិតនេះ មិនត្រឹមតែមានបញ្ហារឿងលុយមួយមុខតែប៉ុណ្ណោះទេ ថែមទាំងនាំឱ្យបញ្ហារីករាលដាលដល់សុខភាពផ្លូវចិត្ត និងផ្លូវកាយថែមទៀតផង។ បែបនេះថ្នាំធម្មតាៗ ទៅមិនរួចទេ ត្រូវប្រើថ្នាំខ្លាំងទើបបាន!
សូមមើលតារាងចំណូល
ចំណយ របស់អ្នកជំងឺធ្ងន់ធ្ងរ។
របាយការណ៍ |
ចំនួនទឹកប្រាក់ |
ប្រាក់ខែ |
៥០០$ |
សន្សំ |
០$ |
សេវាសុខមាលភាពសង្គម ពន្ធ(បើមាន) |
០$ |
ឈ្នួលផ្ទះ |
៥០$ |
ទឹក ភ្លើង សាំង និងកាតទូរស័ព្ទ |
៥០$
|
បង់រំលស់ ធនាគារ
ឬកាតក្រេឌីត(ចងការថែម) |
២២០$ |
ការចាយវាយផ្ទាល់ខ្លួន |
២២៥$ |
លុយខ្វះ |
-៤៥$ |
សួរថា ស្ថានភាពលុយប្រើមិនគ្រប់ដូចក្នងរូបខាងលើនេះ
យើងរកលុយមកពីណាចំនួន៤៥$? បើមិនមានលុយសន្សំផងនោះ មិនខ្ចី ឬចងការពីគេមកប្រើសិន ?
សួរថា
ខ្ចីរួចហើយមានអ្វីកើតឡើង? ប្រាកដណាស់! ច្បាស់ជាពិបាកលើសដើម
ព្រោះខ្ចីហើយត្រូវតែសងវិញ ចំនួនបង់រំលស់ប្រចាំខែ និងបំណុលនឹងកើនឡើងច្រើនជាងមុន ហើយខែក្រោយ
នឹងរឹតតែខ្វះលុយច្រើនជាងមុន។ ដូច្នេះតើដោះស្រាយយ៉ាងណា?
ការខ្ចីបុល ចងការយកមកបង់រំលស់បំណុលមិនខុសពីជីករណ្តៅកប់ខ្លួនឯងឱ្យរឹតតែជ្រៅទៅៗ
នោះទេ។
តែកុំទាន់បារម្មណ៍ហួសហេតុពេក នៅក្នុងបរិបទបំណុល
អ្នកជំងឺកំរិតធ្ងន់ អាចព្យាបាលឱ្យជាសះស្បើយបាន ប្រសិនបើបានទទួលចំណេះដឹងហិរញ្ញវត្ថុដែលត្រឹមត្រូវ។ តែផ្ទុយទៅវិញ
អ្នកជំងឺដែលមិនបានមើលថែខ្លួន បណ្តែតបណ្តោយខ្លួន ឱ្យឈឺរាំរ៉ៃ ថ្ងៃណាមួយអ្នកច្បាស់ជាត្រូវបញ្ជូនចូលបន្ទប់សង្គ្រោះបន្ទាន់ជាមិនខាន។
សំណួរល្បងប្រាជ្ញា៖ តើអ្នកជាអ្នកជំងឺកំរិតណា?
÷ ប្រភេទអ្នកជាប់បំណុល