វដ្តអាជីវកម្ម Business Circle

"អ្នកដឹកនាំអាជីវកម្ម" មុនទទួលបានជោគជ័យ តើត្រូវឆ្លងកាត់អ្វីខ្លះ?

- ដំណាក់កាលទី ១“រស់រានមានជីវិត”ក្រោយពីបង្កើត ឬចាប់ផ្តើមអាជីវកម្ម ត្រូវតែរប្តេជ្ញាចិត្តចំពោះការងារដើម្បីទទួលបានកន្លែងឈរជើង អ្នកប្រហែលជាត្រូវធ្វើអ្វីៗគ្រប់យ៉ាងដោយខ្លួនឯង។ អ្នកត្រូវរៀនអ្វីៗជាច្រើនដោយខ្លួនឯង ដើម្បីជាមូលដ្ឋានគ្រឹះនៃការគ្រប់គ្រងនាពេលអនាគត ហើយកត្តាទាំងនេដែលធ្វើឱ្យមនុស្សជាច្រើនមានអារម្មណ៍អស់ជំនឿចិត្ត ឬទៅមិនដល់គោលដៅដោយសម្រេចចិត្តបោះបង់។

#ដំណាក់កាលនេះមានផ្លូវកាត់ គឺត្រូវរៀនពីនរណាម្នាក់ដែលជោគជ័យ រកសៀវភៅ ឬចូលរួមវគ្គសិក្សាផ្សេងៗ

- ដំណាក់ទី ២“ ផ្តល់ឱកាសដល់មនុស្សចូលមក"ធ្វើការជាក្រុម " រយៈពេលដែលអាជីវកម្មចាប់ផ្តើមមានលុយដើម្បីចិញ្ចឹមខ្លួនឯហហើយមានប្រាក់ចំណេញគ្រប់គ្រាន់ ក្នុងអំឡុងពេលនេះការធ្វើការតែម្នាក់ឯងអាចនាំឱ្យការងាររបស់អ្នកមានឱនភាព ឬមិនរីកចម្រើន។ ដោយសារតែអ្នកមិនអាចធ្វើវាបានទាន់ពេល អ្នកត្រូវតែចាប់ផ្តើមបង្កើតប្រព័ន្ធការងារ ដើម្បីសម្រាលបន្ទុក និងបង្កើតប្រព័ន្ធដើម្បីដំណើរការបានដោយខ្លួនឯង។ផ្តល់តួនាទីដល់មនុស្សផ្សេងដើម្បីធ្វើការជំនួស និងបង្កើនប្រសិទ្ធិភាពការងារ ដូច្នេះយើងអាចបែងចែកពេលវេលាសម្រាប់រឿងផ្សេងៗដែលសំខាន់ជាងយ៉ាងសមស្រប ដោយអ្នកអាចគ្រប់គ្រងការងារទាំងមូលពីចំងាយជាប្រយោល ដោយអ្នកមិនចាំបាច់ទៅការិយាល័យរាល់ថ្ងៃនោះទេ ហើយអាជីវកម្មរបស់អ្នកនៅអាចអាចដំណើរការបាន។ បញ្ហាចំពោះដំណាក់កាលនេះការជ្រើសរើសមនុស្សជារឿងសំខាន់ បើអ្នកជ្រើរើសមនុស្សត្រូវគឺអ្វីនឹងរីកចម្រើនទៅមុខ ប៉ុន្តែបើជ្រើសរើសមនុស្សខុសនឹងនាំឱ្យអាជីវកម្មអ្នកខាតបង់រហូតដល់ដួលរលំទៅមុខលែងរួចថែមទៀតផង។

- តំណាក់កាលទី ៣“ ឱកាសចំណេញ”

នៅពេលប្រព័ន្ធរបស់អ្នកដំណើរការ អ្នកត្រូវលៃលកដើម្បីប្រើប្រាស់ធនធានរបស់អ្នកមានសក្តានុពលបំផុតតាមដែលអាចធ្វើបានក្នុងអំឡុងពេលនេះអ្នកនឹងដឹងថា “ គំនិត” និង“ ការសំរេចចិត្ត” មានសារៈសំខាន់ណាស់។ វាមានឥទ្ធិពលជាតាមមកជាច្រើនទាំងវិជ្ជៈមាន និងអវិជ្ជៈមាន ដែលនាំមកនូវទាំងការខសតបង់ពេលគិត និងសម្រេចចិត្តខុស តែក៏ទទួលបានផល ឬចំណេញច្រើនបើគិត ឬសម្រេចចិត្តបានល្អ។

- ដំណាក់កាលទី ៤“ចង់រីកលូតលាស់បន្តពង្រីកបន្ថែម បើគិតថាល្មសូមរក្សាមូលដ្ឋានឱ្យបាន"

ឈានមកដល់ដំណាក់កាលនេះ អ្នកអាចជ្រើសរើសរវាងចង់ពង្រីកអាជីវកម្មរបស់អ្នក ឬគ្រាន់តែរក្សាមូលដ្ឋានដដែលនេះក៏បាន។ កុំគិតថាការធ្វើជំនួញគឺត្រូវតែពង្រីកកាន់តែធំកាន់តែល្អ កាន់តែធំកាន់តែចំណេញច្រើន។ព្រោះអាជីវកម្មបីដូចរុក្ខជាតិយ៉ាងដូច្នេះដែរដើមសង្កែ ឬដើមក្រខុប មិនអាចរីកធំដូចដើម ឈើទាល បេង នាងនួនដែលជាពូជឈើប្រណិតបានទេ។ អាជិវកម្មខ្លះមិនពង្រីកស្លាប់ខណៈពេលអាជីវកម្មខ្លះបែជាស្លាប់ពេលពង្រីកទៅវិញ។ដូច្នេះអ្នកត្រូវយល់ច្បាស់ពីអាជិវកម្មរបស់អ្នកថាវាគួពង្រីក ឬរក្សាមូលដ្ឋានឬចាប់ផ្តើមមានគំនិតថ្មីៗចង់សាកល្បងដោយសារអាជីវកម្មចាស់មិនអាចពង្រីកបានទៀតទេ ទើបម្ចាស់អាជីវកម្មភាគច្រើន អាចចាប់ផ្តើមបើកក្រុមហ៊ុនថ្មី ឬទៅរកគម្រោងតូចៗដើម្បីសាកល្បងធ្វើ ហេតុដូចច្នេះមិនចំលែកនោះទេដែលក្រុមហ៊ុនធំ ៗ ហេតុអ្វីត្រូវចូលរួមជាមួយក្រុមហ៊ុនផ្សេងទៀត? ឬពេលខ្លះទិញក្រុមហ៊ុនផ្សេងយកតែម្តងដើម្បីពង្រីកឧត្តមភាពរបស់ខ្លួន និងបិទដៃគូប្រកួតប្រជែងនាពេលអនាគត។

- ដំណាក់កាលទី ៥“ ចែករំលែក ទំនាក់ទំនង និងកិត្តស័ព្ទ "

នេះជាដំណាក់កាលកំពញល នៅពេលដែលអ្នកអាចពង្រីកអាជីវកម្មរបស់អ្នករហូតដល់ចំណុចនេះ អ្នកស្ទើតែមិនចាំបាច់ធ្វើអ្វីទាំងអស់ជាមួយអាជីវកម្មរបស់អ្នក។ អ្វីដែលអ្នកត្រូវធ្វើគឺចែលរំលែក ទំនាក់ទំនងឱ្យបាន្រើមបំផុតតាមដែលអាចធ្វើទៅបានដោយសារតែអាជីវកម្មនៅកម្រិតនេះ "មនុស្ស" គឺសំខាន់បំផុត។ ដល់ពេលនេះគេលេងនិយាយរឿងលុយទៀតហើយ បញ្ហានឹងត្រលប់មករកមនុស្សដែលធ្វើការឱ្យអ្នក ដែលត្រូវសម្រិតសំរាំងដូចពេជ្រ អ្នកពូកែក៏មិនប្រាកថថាសាកសម ឆ្លាតពេកក៏អាចមានបញ្ហា។ ដូច្នេះអ្នកត្រូវរកមនុស្សឱ្យបានសាកសមដើម្បីទទួលបានភាពជោគជ័យក្នុងកំរិតកំពូល។