ពីអុិនធើណែត ទៅកាន់លុយបច្ចេកវិទ្យា
នៅឆ្នាំ ១៩៩៩ ខណៈផ្តល់បទសម្ភាសនៅវេទិការ National Taxpayers Union Foundation លោក Milton Friedman សេដ្ឋវិទូពានរង្វន់ណូបែលបានលកើឡើងថា "នៅពេលនេះយើងនៅខ្វះអ្វីម្យ៉ាង ប៉ុន្តែវាគួរតែត្រូវបានអវិវឌ្ឍន៍ក្នុងពេលឆាប់ៗនេះ នោះគឺលុយអេលេកត្រូនិច ដែលអាចប្រើបានបច្ចេកវិទ្យាដែលអ្នកអាចប្រើអុិនធើណែត ក្នុងការផ្ញើលុយពីមនុស្សម្នាក់ទៅមនុស្សម្នាក់ទៀតដោយអ្នកទាំងពីរនេះ មិនចាំបាច់ស្គាល់គ្នាឡើយ" ។ក្រោយមកនៅឆ្នាំ ២០០៨ ក្រោយពេលដួលរលំទីផ្សារអចលនទ្រព្យនៅសហរដ្ឋអាមេរិច ឬហៅថា Suprime Crisis លុយអេលេកត្រូនិចតាមដែល Milton បានលើកឡើង ក៏បានចាប់បដិសណ្ឋិពីមនុស្សអាដ៍កំបាំងមួយក្រុម ដែលប្រើរហ័សនាមថា Satoshi Nakamoto លុយនោះមានឈ្មោះថា Bitcoin ។
ទោះបីជាអត្ថបទនេះមិនបានរៀបរាប់ពីដំណើរការរបស់ Bitcoin ប៉ុន្តែការយល់ដឹងអំពី Bitcoin គឺជារឿងចាំបាច់ ដោយសារBition គឺជាទ្រព្យសម្បត្តិ ឌីជីថលដំបូងគេរបស់ពិភពលោក ដែលជោគជ័យក្នុងការ
ដោះស្រាយបញ្ហាដែលមានជាយូរមកហើយ ចាប់តាំងពីសម័យអ៊ីនធឺណែតបានកើតឡើង នោះគឺ "ការបង្កើតតម្លៃ និងភាពជឿជាក់នៅក្នុងពិភពបច្ចេកវិទ្យា" ជាមួយនឹងបច្ចេកវិទ្យា Blockchain និងការបង្កើត Bitcoin
ធ្វើឱ្យមនុស្សជាតិបានដឹងពីរបៀបដែលមនុស្សអាចបញ្ជូនតម្លៃនីមួយនៅទូទាំងពិភពលោក ដោយគ្មានអ្វីមករារាំង មិនថារដ្ឋាភិបាលណាក៏មិនអាចបានបញ្ឈប់។
ទោះបីជា Bitcoin ធ្វើឱ្យគំនិតនេះក្លាយជាការពិតក៏ដោយ។ ហើយវាជាគូជាមួយពិភពអ៊ីនធឺណិតអស់រយៈពេលជាងដប់ឆ្នាំមកហើយ។ ប៉ុន្តែអ្វីដែលបណ្តាលឱ្យមនុស្សមានការភ្ញាក់ផ្អើល គឺរឿងដែលវាអាចប្រើប្រាស់បានក្នុងវិស័យអាជីវកម្ម។ រួមទាំងការបង្កើត
លុយឯកជនដូចជាការមកដល់នៃ Libra ដែលធ្វើឱ្យធនាគារជុំវិញពិភពលោក ភ្ញាក់ឡើង ជាមួយនឹងការបង្កើតរូបិយប័ណ្ណបចេកវិទ្យារបស់ជាតិ (រូបិយប័ណ្ណឌីជីថលរបស់ធនាគារកណ្តាល CBDC)
តាមពិតទៅគំនិតរបស់ Bitcoin និង Blockchain ត្រូវបានបន្ត ដើម្បីបង្កើតទ្រព្យសម្បត្តិបច្ចេកវិទ្យា( Digital Asset) ទំរងបច្ចេកវិទ្យា( Platform Digital) រួមទាំងត្រូវបានប្រើដើម្បីប្រមូលទុនឆ្លងប្រទេស។ ដែលយើងស្គាល់ថាជា ICO ( Initial Coin Offering) គោលគំនិតដែលធ្វើឱ្យហ៊ុន ឬទ្រព្យគោលទៅជាបច្ចេកវិទ្យាដែលអាចជួញដូរបានទូទាំងសកលលោក ដែលយើងស្គាល់ក្នុងនាម Security Token ។ ការដែលឯកជនបង្កើតលុយ Stable Coin ឬប្រព័ន្ធផ្តល់សេវាហិរញ្ញវត្ថុក្នុងរូបភាពដោយមិនពឹងផ្អែកលើប្រព័ន្ធកណ្តាលដូចជា Decentralized Finance រឿងដែលគួរឱ្យភ្ញក់ផ្អើលគឺរឿងរាវទាំងនេះបានកើតឡើងក្នុងរយៈពេលត្រឹមតែ ១០ឆ្នាំ តែប៉ុណ្ណោះ ឬបើគិតពីគេនិយាយដល់យ៉ាងទូលំទូលាយអាចនិយាយបានថា មិនដល់ ៥ ឆ្នាំផង។ រឿងរាវទាំងឡាយបានកើតឡើងលឿនហួសពីការគិតរបស់មនុស្សគ្រប់គ្នា។ ហើយនៅមានរឿងរាវជាច្រើនទៀតនៃការផ្លាសប្តូរយ៉ាងឆាប់រហាស់របស់វា។
មុននឹងនិយាយដល់រឿង ទ្រព្យសម្បត្តិបច្ចកវិទ្យា យើង នឹងពិពណ៌នាអំពីរូបភាពនៃទ្រព្យ និងរូបិយប័ណ្បច្ចុប្បន្នជាមុនសិន ដើម្បីឱ្យមិត្តអ្នកអានយល់ពីមូលហេតុថា ហេតុអ្វី ទ្រព្យសម្បត្តិបច្ចេកវិទ្យា ឬទ្រព្យសម្បត្តិ បច្ចេកវិទ្យាហ្នឹងគួរឱ្យចាប់អារម្មណ៍ និងមានឥទ្ធិពលដល់សេដ្ឋកិច្ចពិភពលោក។ប្រសិនបើអ្នកអានចង់ យល់ឱ្យបានច្បាស់ថាតើ ទ្រព្យសម្បត្តិ ឌីជីថល គឺជា អ្វី រឿងដំបូងដែលគួរយល់នោះគឺថា វាមិនមែនជាការ សិក្សាអំពី បច្ចេកវិទ្យា ឬ នវានុវត្តន៍ (ការឆ្នៃផលិត) នោះទេ។ ប៉ុន្តែរឿងដំបូងដែលត្រូវយល់គឺលុយបន្ទាប់ មកគឺលុយ ហើយចុងក្រោយគឺជាលុយ។ ផ្នែកបច្ចេកវិទ្យា និងនវានុវត្តន៍ វាជាអ្វីដែលធ្វើឱ្យយើងអាចប្រើលុយបាន ឬអន្តរការី(ឈ្មួញកណ្តាល) នៃការដោះដូរបានងាយស្រួល និងមានប្រសិទ្ធភាពខ្ពស់។
អត្ថបទដោយ ៖ ជា បូណាន
ហិរញ្ញវត្ថុរូបវន្តបុគ្គល
សូមរងចាំអានអត្ថបទបន្ត
