ចិត្ត វិទ្យាហិរញ្ញវត្ថុ អារម្ភកថាអ្នកបកប្រែ
អារម្ភកថាអ្នកបកប្រែ
មានសៀវភៅនិយាយពីការវិនិយោគ និងហិរញ្ញវត្ថុជាច្រើននៅលើទីផ្សារដែលភាគច្រើនសៀវភៅទាំងនោះបង្រៀនអំពីរបៀបគ្រប់គ្រងហិរញ្ញវត្ថុតាមទ្រឹស្តី វិធីសាស្រ្តស្តុកស្តម្ភរបស់អ្នកដែលជាបរមគ្រូនៃការវិនិយោគ ថែមទាំងបង្រៀនមិត្តអ្នកអានអំពីវិធីស្វែងរកផលតបស្នងពីការវិនិយោគរាប់មិនអស់។
លោកMorgan Hazel អ្នកនិពន្ធសៀវភៅនេះបានបង្ហាញរឿងរ៉ាវហិរញ្ញវត្ថុដែលខុសប្លែកពីគេ។ គាត់បានសង្កេតឃើញថាអាកប្បកិរិយាហិរញ្ញវត្ថុដែលមនុស្សធ្វើគឺត្រូវបានអូសទាញដោយអារម្មណ៍ហើយការយល់ឃើញរបស់បុគ្គលម្នាក់ៗ អាចមានសារៈសំខាន់ និងជះឥទ្ធិពលដល់រឿងលុយរបស់អ្នកលើសពីអ្វីដែលអ្នកចេះ ហើយអ្វីដែលអ្នកគិតថាអ្នកយល់ ឬអាចហៅបានថាចិត្តវិទ្យាហិរញ្ញវត្ថុ។
បន្ទាប់ពីអានសៀវភៅនេះចប់អ្នកនឹងយល់ថា ហេតុអ្វីបានជាការចេះដាក់ខ្លួនមានឥទ្ធិពលដល់ភាពស្តុកស្តម្ភរបស់អ្នក។ អ្វីទៅជាភាគលាភខ្ពស់បំផុត និងទាបបំផុតដែលលុយជាអ្នកផ្តល់ឱ្យ? ហេតុអ្វីបានជាឱកាស និងហានិភ័យគឺជាអ្វីដែលអ្នកត្រូវយកមកពិចារណានៅពេលនិយាយអំពីរឿងលុយ?
ហេតុអ្វីប្រវត្តិសាស្រ្តមិនមែនជាឧបករណ៍សម្រាប់ទស្សន៍ទាយអនាគត?
ហេតុអ្វីបានជាមនុស្សគិត
និងធ្វើការសម្រេចចិត្តរឿងលុយយ៉ាងដូច្នេះ?
ហេតុអ្វីបានជាមនុស្សម្នាក់ម្រេចចិត្តរឿងលុយមិនបានល្អ?
ភាពមានបាន និងភាពស្តុកស្តម្ភ ខុសគ្នាយ៉ាងដូចម្តេច?
ឬថាតើអ្នកនឹង
ក្លាយជាអ្នកវិនិយោគដែលល្អប្រសើរជាងមុន និងជៀសវៀងការក្លាយជាវិនិយោគិនកម្រឹតអន់បានយ៉ាដូចម្តេច? និងមានរឿងជាច្រើនទៀតដែលសៀវភៅនេះនឹងបង្ហាញ។ រឿងទាំងអស់នឹងធ្វើឱ្យអ្នកយល់ពីអាកប្បកិរិយាហិរញ្ញវត្ថុផ្ទាល់ខ្លួនរបស់អ្នក
និងមនុស្សជាច្រើនផ្សេងទៀតបានកាន់តែច្រើន លើសពីនេះសៀវភៅនេះក៏បង្ហាញពីគំនិត
និងឧបករណ៍ហិរញ្ញវត្ថុគួរឱ្យចាប់អារម្មណ៍ ហើយអាចនាំយកទៅប្រើការបានក្នុងជីវិតពិតផងដែរ។
ខ្ញុំជឿជាក់ថាសៀវភៅចិត្តវិទ្យាហិរញ្ញវត្ថុផ្លាស់ប្តូរជីវិតមួយនេះនឹងក្លាយជាសៀវភៅសំខាន់មួយទៀតក្នុងវិស័យហិរញ្ញវត្ថុ ហើយវានឹងមានប្រយោជន៍សម្រាប់នរណាក៏ដោយដែលចង់មានទំនាក់ទំនងល្អប្រសើរជាមួយហិរញ្ញវត្ថុ។
មហាត្មាគន្ធីបាននិយាយថា "ចូរផ្លាស់ប្តូរខ្លួនឯង ព្រោះមានតែខ្លួនអ្នក
ប៉ុណ្ណោះជាអ្នកគ្រប់គ្រង"
ការលើកឡើងនេះអាចប្រើត្រូវជាមួយរឿងលុយផងដែរ នៅពេលអ្នកបញ្ចប់ការអានសៀវភៅនេះ
អ្នកអាចយល់ឃើញថាទស្សនៈរបស់អ្នកចំពោះលុយត្រូវបានផ្លាស់ប្តូរ។ ហើយអ្វីដែលអ្នកកំពុងស្វែងរកអាចត្រូវចាប់ផ្តើមជាមួយនឹងអ្វីដែលនៅជិតៗជាងអ្វីដែលអ្នកគិត។ នោះគឺខ្លួនអ្នក!
សូមឱ្យមិត្តអ្នកអានទាំងអស់ជួបជាមួយសុភមង្គលហិរញ្ញវត្ថុតាមបែបផែនជីវិតរៀងៗខ្លួន។
ជា បូណាន