ចិត្តវិទ្យាហិរញ្ញវត្ថុ ០១ គ្មានអ្នកណាឆ្កួតទេ
០១ គ្មានអ្នកណាឆ្កួតទេ
តាមបទពិសោធន៍ផ្ទាល់ខ្លួនរបស់ខ្ញុំ ការយល់ដឹងរឿងលុយរបស់អ្នកអាចគ្រាន់តែជារឿង ០,០០០០០០០១% នៃអ្វីដែលកើតឡើងនៅលើពិភពលោក ប៉ុន្តែវាអាចជា ៨០%
នូវអ្វីដែលអ្នកគិតថាពិភពលោកគឺបែបហ្នឹង។
ខ្ញុំសូមនិយាយអំពីរឿងមួយឱ្យអ្នកស្តាប់ វាអាចនឹងធ្វើឱ្យអ្នកមានអារម្មណ៍ល្អប្រសើរឡើងចំពោះអ្វីដែលអ្នកបានធ្វើចំពោះលុយរបស់អ្នក ហើយមិនវិនិច្ឆ័យនូវអ្វីដែលអ្នកដទៃធ្វើចំពោះលុយរបស់គេ។
មនុស្សធ្វើរឿងឆ្កួតៗជាច្រើនចំពោះលុយ ប៉ុន្តែគ្មាននរណាជាមនុស្សឆ្កួតឡើយ។
រឿងគឺវាដូច្នេះ មនុស្សក្នុងសម័យកាលផ្សេងៗគ្នា ត្រូវបានចិញ្ចឹមបីបាច់ដោយក្រុមគ្រួសារខុសៗគ្នា
ប្រាក់ចំណូលខុសៗគ្នា ប្រកាន់គុណតម្លៃខុសៗគ្នា នៅក្នុងផ្នែកផ្សេងៗនៃពិភពលោក កើតនៅក្នុងប្រព័ន្ធសេដ្ឋកិច្ចផ្សេងៗគ្នា មានបទពិសោធន៍ក្នុងទីផ្សារការងារផ្សេងៗគ្នា
ដោយកត្តាជម្រុញទឹកចិត្តផ្សេងៗគ្នា និងកម្រិតនៃសំណាងមិនដូចគ្នា រៀនសូត្រពីមេរៀនផ្សេងៗគ្នាទាំងស្រុង។
មនុស្សគ្រប់រូបមានបទពិសោធន៍ដែលទទួលបានពីពិភពលោករៀងៗខ្លួន ហើយអ្វីដែលអ្នកបានឆ្លងកាត់ខ្លួនឯងជម្រុញការចាប់អារម្មណ៍ជាងការរៀនសូត្រពីអ្នកដទៃ។ ដូច្នេះហើយ យើងទាំងអស់គ្នា មិនថា អ្នក ឬខ្ញុំ និងមនុស្សគ្រប់គ្នា រស់នៅដោយប្រកាន់ភ្ជាប់ទៅនឹងទស្សនៈនៃដំណើរការរបស់លុយដែលខុសប្លែកពីគ្នាយ៉ាងខ្លាំង ពីមនុស្សម្នាក់ទៅមនុស្សម្នាក់ផ្សេងទៀត។ រឿងដែលមើលទៅហាក់ដូច
ជាឆ្កួតៗសម្រាប់អ្នក
វាអាចជារឿងសមហេតុផលសម្រាប់ខ្ញុំ។
មនុស្សដែលធំឡើងក្នុងភាពក្រីក្រគិតអំពីរឿងហានិភ័យ និងរង្វាន់ដែលកូនរបស់ប្រធានធនាគារ
ជាអ្នកមានទ្រព្យស្តុកស្តម្ភមិនអាចទៅរួចប្រសិនបើគេចង់សាល្បង។
មនុស្សដែលធំដឹងក្តីនៅពេលមានអតិផរណាខ្ពស់នឹងទទួលបានបទ
ពិសោធន៍មួយចំនួន
ដែលមនុស្សធំដឹងក្តីខណៈតម្លៃទំនិញមានស្ថេរភាពមិនធ្លាប់បានឆ្លងកាត់។
ឈ្មួញកណ្តាលភាគហ៊ុនដែលបាត់បង់អ្វីៗទាំងអស់ក្នុងអំឡុងពេលវិបត្តិសេដ្ឋកិច្ចយ៉ាងធ្ងនន់ធ្ងរ (Great Depression ) នឹងបានទទួលបទពិសោធន៍មួយចំនួនដែលមនុស្សធ្វើការនៅផ្នែកបច្ចេកវិទ្យាកុំពុងឈ្លក់វង្វេងនឹងភាពរុងរឿងនាចុងទសវត្សរ៍ឆ្នាំ ១៩៩០ មិនអាចស្រមៃគិតដល់។
ជនជាតិអូស្ត្រាលីដែលមិនធ្លាប់ជួបវិបត្តិសេដ្ឋកិច្ចអស់រយៈពេល ៣០ឆ្នាំនឹងទទួលបានបទពិសោធន៍មួយចំនួនដែលជនជាតិអាមេរិកមិនធ្លាប់ជួបពីមុន។
ហើយមានបទពិសោធន៍ជាច្រើនទៀតដែលគ្មានទីបញ្ចប់
អ្នកដឹងរឿងផ្សេងៗទាក់ទងជាមួយលុយដែលខ្ញុំមិនដឹង ហើយផ្ទុយទៅវិញខ្ញុំដឹងនូវអ្វីដែលអ្នកមិនដឹង។
ជីវិតរបស់អ្នកឆ្លងកាត់ជាមួយនឹងជំនឿ គោលដៅ និងរំពឹងទុកខុសពីខ្ញុំ។ មិនមែនដោយសារក្នុងចំណោមពួកយើងមានអ្នកណាឆ្លាត
ជាងអ្នកណា
ឬមានព័ត៌មានដែលល្អជាងនោះទេ
ប៉ុន្តែគឺដោយសារតែយើងមាន
បទពិសោធន៍ ជីវិតរស់នៅខុសគ្នាពីបរិយាកាសជុំវិញខ្លួន និងរឿងដែលជម្រុញទឹក
ចិត្តខុសគ្នា។
បទពិសោធន៍ផ្ទាល់ខ្លួនរបស់អ្នកក្នុងរឿងលុយអាចត្រឹមតែ ០.០០០០០០០១% នៃអ្វីដែលកើតឡើងនៅលើពិភពលោក ប៉ុន្តែវាអាចជា ៨០% នៃអ្វីដែលអ្នកគិតថាបានកើតមានលើពិភពលោក។ ដូច្នេះមនុស្សមានភាពវៃឆ្លាតប្រហាក់ប្រហែលគ្នាទើបពួកគេអាចមើលឃើញខុសៗគ្នាចំពោះមូលហេតុក្នុងការ ធ្លាក់ចុះនៃសេដ្ឋកិច្ច វិធីដែលអ្នកគួរតែយកលុយរបស់អ្នកទៅវិនិយោគ រឿងដែលអ្នកគួរផ្តល់អាទិភាព ហើយអ្នកគួរតែប្រថុយកម្រឹតណា
និងរឿងផ្សេងៗជាច្រើនទៀត។
នៅមានត
ដកស្រង់ពីសៀវភៅ ចិត្តវិទ្យាហិរញ្ញវត្ថុ
ប្រែសម្រួលដោយ ជា បូណាន ហិរញ្ញវត្ថុ រូបវន្តបុគ្គល