ចិត្តវិទ្យាហិរញ្ញវត្ថុ គ្មានអ្នកណាឆ្កួតទេ (តចប់)
គ្មានអ្នកណាឆ្កួតទេ
ខ្ញុំនឹងប្រាប់អ្នកសាជាថ្មីម្តងទៀងថាទស្សនៈថ្មីនេះគឺជាអ្វី មូលនិធិសោធននិវត្តន៍ ៤០១K ឬឧបករណ៍គោលសម្រាប់សន្សំដើម្បីប្រើប្រាស់ក្នុងពេលចូលនិវត្តន៍របស់ជនជាតិអាមេរិកាំង។ មិនធ្លាប់មានពីមុនរហូតដល់ឆ្នាំ ១៩៧៨
គណនីសោធននិវត្តន៍រូបវន្តបុគ្គលខ្លួន Roth IRA នោះមិនធ្លាប់កើតមានរហូតដល់ឆ្នាំ១៩៩៨។ ប្រសិនបើពួកវាជាមនុស្ស វានឹងធំល្មមចេះផឹកស្រាបានហើយ។
មិនមែនជារឿងគួរឱ្យភ្ញាក់ផ្អើលទេដែលយើងភាគច្រើនមិនពូកែក្នុងការសន្សំ និងវិនិយោគ សម្រាប់ការចូលនិវត្តន៍ ពួកយើងមិនមែនឆ្កួតទេ ពួកយើងគ្រាន់តែនៅខ្ចីចំពោះរឿងនេះ។
ដូចគ្នាទៅនឹងសាកលវិទ្យាល័យ អត្រានៃជនជាតិអាមេរិកដែលមានអាយុលើសពី ២៥ឆ្នាំ ដែលបានបញ្ចប់ការសិក្សាថ្នាក់បរិញ្ញាបត្របានថយចុះពី ១នាក់ ក្នុងចំណោម ២០នាក់ ក្នុងឆ្នាំ
១៩៤០ទៅជា ១នាក់ក្នុងចំណោម ៤នាក់ ក្នុងឆ្នាំ២០១៥។ ថ្លៃសិក្សានៅសាកលវិទ្យាល័យគិតជាមធ្យមនៅពេលនោះកើនឡើងលើសពីបួនដងនៃអតិផរណា អ្វីដែលអស្ចារ្យ៍ និងមានសារៈសំខាន់យ៉ាងខ្លាំងដែលវាយលុកចូលក្នុងសង្គមយ៉ាងឆាប់រហ័សបានពន្យល់ឱ្យឃើញថា ហេតុអ្វីបានជាមានមនុស្សជាច្រើនមានការសម្រេចចិត្តមិនបានល្អរចំពោះបំណុលសម្រាប់ការសិក្សាក្នុងអំឡុងពេល ២០ឆ្នាំ កន្លងមក។ ព្រោះមិនមានបទពិសោធន៏សន្សំទុកសម្រាប់ឱ្យពួកយើងបានរៀនសូត្រ យើងកំពុងអនុវត្តផ្ទាល់ជាក់ស្តែង។
ដូចគ្នានឹងមូលនិធិសន្ទស្សន៍ Index Fund ដែលមានអាយុតិចជាង ៥០ឆ្នាំ និងមូលនិធិការពារហានិភ័យ Hedge Fund ដែលមិនធ្លាប់មានរហូតចូលដល់អំឡុងពេល ២៥ឆ្នាំកន្លងមក
ឬសូម្បីតែរឿងដែលត្រូវបានគេប្រើយ៉ាងទូលំទូលាយដូចជាកម្ចីបរិភោគ មានដូចជា ប្រាក់កម្ចីមានទ្រព្យបញ្ចាំ កាតឥណទាន និងបង់រំលស់រថយន្ត ក៏មិនធ្លាប់មានពីមុន
រហូតដល់ក្រោយសង្គ្រាមលោកលើកទី២ ខណៈដែលព្រះរាជបញ្ញត្តិដើម្បីជួយអតីតយុទ្ធជន G.I. Bill ធ្វើឱ្យជនជាតិអាមេរិករាប់លាននាក់មានភាព
ងាយស្រួលក្នុងការខ្ចីប្រាក់។
សុនខត្រូវបានគេនាំយកមកចិញ្ចឹមតាំងពី ១០,០០០ឆ្នាំមុន ប៉ុន្តែពួកវានៅតែមានឥរិយាបថសត្វព្រៃមួយចំនួនដែលបុព្វបុរសរបស់ពួកវាបានបន្សល់ទុក ហើយពួកយើងក៏នៅទីនេះ ក្នុងកំឡុងពេលចន្លោះពី ២០ទៅ ៥០ឆ្នាំ នៃបទពិសោធន៍ក្នុងប្រព័ន្ធហិរញ្ញវត្ថុទំនើប ជាមួយនឹងក្តីសង្ឃឹមនៃការសម្របខ្លួនអ្នកឱ្យស៊ាំជាមួយវាយ៉ាងពេញលេញ។
នេះហើយគឺជាបញ្ហាសម្រាប់ប្រធានបទដែលបានទទួលឥទ្ធិពលយ៉ាងខ្លាំងពីអារម្មណ៍ដែលត្រូវប្រឈមជាមួយការពិត ហើយវាជួយពន្យល់ឱ្យយល់ពីមូលហេតុ ថាតើហេតុអ្វីពួកយើងមិនធ្វើនូវអ្វីដែលពួកយើងគួធ្វើនៅពេលនិយាយអំពីរឿងលុយ។
ពួកយើងទាំងអស់គ្នាធ្វើរឿងឆ្កួតៗចំពោះលុយ ព្រោះពួកយើងសុទ្ធ
តែថ្មីចំពោះហ្គេមនេះ។ ហើយរឿងដែលមើលទៅឆ្កួតចំពោះអ្នក អាចមើលទៅសមហេតុផលសម្រាប់ខ្ញុំ។ ប៉ុន្តែគ្មាននរណាម្នាក់ឆ្កួតឡើយ យើងទាំងអស់គ្នាបានសំរេចចិត្តដោយផ្អែកលើមូលដ្ឋាន បទពិសោធន៍ រៀងៗខ្លួនដែលមើលទៅហាក់ដូចជាសមស្របសម្រាប់ពួកយើងនៅខណៈពេលនោះៗ។
តោះ! ជាបន្តទៅនេះ ខ្ញុំនឹងប្រាប់អ្នកពីវិធីដែលដែលមនុស្សដូចជាលោកប៊ីលហ្គេតក្លាយយជាអ្នកមានទ្រព្យស្តុកស្តម្ភបានដោយរបៀបណា។
ចប់ដោយបរិបូណ៍
ដកស្រង់ពីសៀវភៅ ចិត្តវិទ្យាហិរញ្ញវត្ថុ
ប្រែសម្រួលដោយ ជា បូណាន ហិរញ្ញវត្ថុ រូបវន្តបុគ្គល