ចិត្តវិទ្យាហិរញ្ញវត្ថុ ភាពស្តុកស្តម្ភគឺជាអ្វីដែលអ្នកមើលមិនឃើញ (តចប់)
ប៉ុន្តែភាពស្តុកស្តម្ភនោះត្រូវបានលាក់បាំង វាជាចំណូលដែលមិនបានចាយទៅវិញ ភាពស្តុកស្តម្ភគឺជាជម្រើសដែលមិនទាន់ត្រូវបានគេយកទៅទិញអ្វី គុណតម្លៃរបស់វានៅត្រង់ធ្វើឱ្យអ្នកមានជម្រើស អាចបត់បែនបាន ហើយហុចផ្លែផ្កាល្មមអាចឱ្យអ្នកទិញរបស់របរបានកាន់តែច្រើននៅថ្ងៃនេះ។ភាពស្តុកស្តម្ភគឺជាអ្វីដែលអ្នកមើលមិនឃើញ
របបអាហារ និងការធ្វើលំហាត់ប្រាណផ្តល់នូវភាពស្រដៀងគ្នាដ៏ល្អសម្រាប់រឿងនេះការ សម្រកទម្ងន់គឺពិបាកខ្លាំងណាស់សូម្បីតែក្នុងចំណោមមនុស្សដែលតាំចិត្តហាត់ប្រាណយ៉ាងសកម្មក៏ដោយ Bill Bryson
ពន្យល់ពីមូលហេតុនៅក្នុងសៀវភៅ The Body របស់គាត់ថា៖
ការសិក្សាមួយរបស់អាមេរិកបានរកឃើញថា មនុស្សជាច្រើនបានប៉ាន់ស្មានកាឡូរីដែលពួកគេបានដុតនៅពេលហាត់ប្រាណច្រើនជាងរហូតដល់ ២-៤ ដែលធ្វើឱ្យពួកគេបរិភោគកាឡូរីច្រើនជាងពីរដងជាមធ្យនៃអ្វីដែលពួកគេទើបតែបានធ្វើដុតបំផ្លាញ។ ... ការពិតគឺថា លំហាត់ប្រាណនឹងរលាយសូន្យយ៉ាងឆាប់រហ័ស។ ប្រសិនបើអ្នកញ៉ាំអាហារច្រើន ហើយពួកយើងភាគច្រើនធ្វើបែបនេះ។
ការហាត់ប្រាណគឺដូចជាភាពមានបានត្រង់ដែលអ្នកគិត "ខ្ញុំខំប្រឹងធ្វើការ ហើយឥឡូវនេះខ្ញុំសមនឹងទទួលបានអាហារមួយពេលធំ ខណៈពេលដែលភាពមានបានគឺការបដិសេធអាហារនោះ ហើយដុតបំផ្លាញកាឡូរីសុទ្ធឱ្យអ្នក។ វាជារឿងពិបាក និងទាមទារ ការគ្រប់គ្រងខ្លួនឯងឱ្យបាន ប៉ុន្តែវាក៏បង្កើតគម្លាតរវាងអ្វីដែលអ្នកអាចធ្វើបាន និងអ្វីដែលអ្នកជ្រើសរើសធ្វើ ដែលនឹងហុចលទ្ធផលដល់អ្នកនៅពេលក្រោយ។
បញ្ហារបស់យើងភាគច្រើនគឺថា
គំរូនៃភាពមានបានវាស្រួលរក ប៉ុន្តែគំរូនៃភាពស្តុកស្តម្ភនោះគឺពិបាកណាស់។
ព្រោះតាមនិយមន័យភាពជោគជ័យរបស់ពួកវាត្រូវបានលាក់ទុក។
ជាការពិតណាស់ មនុស្សស្តុកស្តម្ភក៏ចំណាយលុយច្រើនទៅលើសម្ភារៈប្រើប្រាស់
ដែលក្នុងនេះអ្វីដែលយើងឃើញគឺភាពមានបានរបស់ពួកគេមិនមែនជាភាពស្តុកស្តម្ភទេ។ យើងឃើញរថយន្តដែលពួកគេជ្រើសរើសទិញ ឬអាចជាសាលាដែលពួកគេបញ្ជូនកូនរបស់ពួកគេទៅរៀន។ ប៉ុន្តែយើងមិនបានឃើញគណនីប្រាក់បញ្ញើ គណនីចូលនិវត្តន៍ ឬងផលប័ត្រវិនិយោគ យើងឃើញត្រឹមតែផ្ទះដែលពួកគេទិញ ប៉ុន្តែមិនមែនផ្ទះដែលពួកគេមានលទ្ធភាពទិញជាមួយនឹងលុយទាំងអស់ដែលពួកគេមាននោះទេ។
គ្រោះថ្នាក់ចំពោះរឿងនេះគឺ ខ្ញុំគិតថាស៊ីជម្រៅទៅមនុស្សភាគច្រើនគឺសុទ្ធតែចង់បានភាពស្តុកស្តម្ភ
ព្រោះពួកគេចង់បានសេរីភាព និងភាពបត់បែនដែលទ្រព្យផ្នែកហិរញ្ញវត្ថុដែលមិនត្រូវបានប្រើអាចផ្តល់ឱ្យបាន។
ប៉ុន្តែវាបែជាចាក់ឫសយ៉ាជ្រៅនៅក្នុងខ្លួនយើងហើយថា ការមានលុយគឺអាចចាយលុយយ៉ាងខ្ជះខ្ជាយ ដោយមិនដឹងថាភាពស្តុកស្តម្ភគឺចាំបាច់ត្រូវមានការអត់ធ្មត់ទើបទទួលបានមក ហើយដោយសារយើងមិនអាចមើលវាឃើញ ដូច្នេះទើបវាចារឿងពិបាកក្នុងការរៀនអំពីវា។
មនុស្សពូកែរៀនតាមរយៈការធ្វើត្រាប់តាម
ប៉ុន្តែធម្មជាតិនៃភាពស្តុកស្តម្ភដែលលាក់កំបាំងធ្វើឱ្យពិបាកក្នុងការយកតម្រាប់តាម។ បន្ទាប់ពីការស្លាប់របស់
Ronald គាត់បានក្លាយជានិមិត្តរូបផ្នែកហិរញ្ញវត្ថុសម្រាប់មនុស្សជាច្រើន
គាត់បានក្លាយជាតារា និងល្បីល្បាញយ៉ាងខ្លាំងនៅលើបណ្តាញសង្គមអ៊ីនធឺណិត។ ប៉ុន្តែកាលគាត់នៅមានជីវិត
គាត់គ្រាន់តែជាមនុស្សសាមញ្ញម្នាក់ មិនមែនជានិមិត្តរូបផ្នែកហិរញ្ញវត្ថុសម្រាប់នរណាម្នាក់ឡើយ។
ព្រោះភាពស្តុកស្តម្ភគ្រប់កាក់សេនរបស់គាត់មិនត្រូវបានបង្ហាញឱ្យនរណាម្នាក់ដឹងទេ សូម្បីតែមនុស្សដែលស្គាល់គាត់ក៏ដោយ។
ស្រមៃមើលថាតើវាពិបាកប៉ុណ្ណា
ប្រសិនបើអ្នកត្រូវសរសេរសៀវភៅ ហើយអ្នកមិនដែលអានសៀវភៅរបស់កវីនិពន្ធដ៏អស្ចារ្យទាល់តែសោះ។
តើអ្នកណានឹងក្លាយជាកម្លាំងជម្រុញទឹកចិត្តរបស់អ្នក? តើនរណាជាមនុស្សដែលអ្នកស្ញប់ស្ញែង? តើអ្នកចង់ធ្វើតាមគន្លឹះរបស់អ្នកណា? វាហាក់ដូចជាការធ្វើរឿងដែលពិបាករួចទៅហើយឱ្យកាន់តែពិបាកថែមទៀត។
ការរៀនសូត្រពីអ្វីដែលអ្នកមើលមិនឃើញគឺពិបាកណាស់។ នេះជួយពន្យល់ពីមូលហេតុដែលការបង្កើតភាពស្តុកស្តម្ភពិបាកខ្លាំងណាស់សម្រាប់មនុស្សជាច្រើន។
ពិភពលោកនេះពោរពេញដោយមនុស្សដែលមើលទៅសាមញ្ញ
ប៉ុន្តែតាមពិតទៅជាអ្នកមាន និងពោរពេញដោយមនុស្សមើលទៅជាអ្នកមានប៉ុន្តែនៅលើមាត់ជ្រោះនៃការក្ស័យធន
ចូរចងចាំរឿងនេះនៅពេលអ្នកកុំពុងវិនិច្ឆ័យភាពជោគជ័យរបស់អ្នកដទៃ និងកំណត់គោលដៅផ្ទាល់ខ្លួនរបស់អ្នក។
ប្រសិនជាភាពស្តុកស្តម្ភជាអ្វីដែលអ្នកមិនចំណាយ
ហើយវានឹងល្អយ៉ាងណា? ហ៊ឹម..អញ្ចឹងខ្ញុំចង់លើកទឹកចិត្តអ្នកឱ្យព្យាយាមសន្សំលុយលមើល!
ចប់ដោយបរិបូណ៍
ដកស្រង់ពីសៀវភៅ
ចិត្តវិទ្យាហិរញ្ញវត្ថុ
ប្រែសម្រួលដោយ ជា បូណាន ហិរញ្ញវត្ថុ រូបវន្តបុគ្គល